البرلمان القادم مهزله سياسيه

البرلمان القادم تحكمت به الاحزاب وكثر به الخطأ وعظمت فيه العيوب ورأينا تخبط شديد وبان ضعف الاحزاب وفشلت فى ترتيب قوائمها حتى انه تأجل غلق باب الترشيح مرتين لاول مره فى تاريخ الانتخابات . طيب ليه من الاساس تشيل الاحزاب شيله مش قدها وتطالب بقوائم وهى مش مستعده لكن العيب مش على الاحزاب . العيب على المجلس العسكرى اللى فرط فى الامانه وأداهم حق مش بتاعهم على حساب الفردى . كان ليه ياخدوا التلتين والفردى ياخد التلت فقط مع ان التجربه اثبتت انهم لا يمثلون الا اقل من 20% وليس لهم اى شعبيه . الامر الاخر انهم بعد كل هذا لماذا ترشح الاحزاب أفرادها على المقاعد الفرديه . ان هذا عبط سياسى وانتهازيه والسبب فى كل هذا هو المجلس العسكرى الذى لاحظنا جميعا ضعف شخصيته مع الاحزاب فى الفتره الاخيره .وكان المفترض على القضاء ان يتصدى لكل هذا العبث ولكن للأسف تغاضى عنه وبدأ هو الاخر يأخذ نصيبه من الغنائم ويشرع لنفسه فوانين تسمح له بحبس المحامى ونسبه من الغرامات وخلافه واصبح كل اللى يلحق حاجه بياخدها والله يعوض علينا

اقرأ ايضاً صفحات رأي متعلقة على جريدة احداث اليوم:

• إنقاذ مصر.. بالإرادة الشعبية
• برلمان التوافق والصراع
• الإخوان والصحافة.. والسلفيون والسياحة
• يا فــــرحــة مــا تــمـت
• من نظام المخلوع إلى الإخوان والسلفيين