اللي يضحكك في الناس اللي بتنشر خزعبلات عن نسبة المشاركة ايه؟
ان الجهات الوحيدة اللي تقدر تعرف نسبة المشاركة بشكل تقريبي هي بالترتيب اللجنة العليا للإنتخابات ، ثم حملات المرشحين اللي ليها مندوب في كل لجنة أو أكبر عدد ممكن من اللجان، ثم المنظمات اللي ليها مراقبين في كل اللجان او أكبر عدد ممكن ودي مش موجودة حاليا لأن كل المنظمات بتبعت ناس تراقب في عدد لا يتجاوز عشرين أو تلاتين لجنة معظمهم في القاهرة والمدن الكبري توفيرا للنفقات ، أو اللي بينقل بقي عن واحد من المصادر دي عموما
لكن بيجيلك واحد يقولك ماحدش راح ، طب يا حبيبي أنت عضو في اللجنة العامة أو بتنقل عنها يقولك لأ، طب عضو في حملة أو في غرفة عمليات متابعة يقولك لأ، طب أصلا عندك مندوبين في 14 ألف لجنة فرعية أو حتي نسبة معتبرةمن الرقم ده يقولك لأ، طب آخر كلام أنت أصلا واقف بتراقب وبتقيس علي اللجنة اللي انت فيها ولو أن ده مش مقياس يقولك برضه لأ
أمال عملت ايه رحت صوتت أو حتي مارحتش بس اتمشيت جنب اللجنة او حتي قاعد بتنقل من ناس من نفس النظام علي النت؟
أمال بتتكلم بالثقة الغريبة دي ليه؟
والغريبة انك تلاقي ناس عاملين فيها صحفيين وبيكرروا الكلام ده كدة وخلاص وبأرقام مالهاش صلة بالواقع وواحد منهم قال نسبة التصويت 5 %
قلتلي بقي ، يعني عشان أنت أصلا ده موقفك من الأول ، فبتنشره علي انه خبر
لأ ويقولك الإعلام ابتدي يضلل الناس وينشر نسبة مشاركة عالية، أمال بتستشهد ليه بكلامه عن نسبة مشاركة منخفضة مادام هو مضلل ، مع ان كلامه عن انخفاض النسبة ماكانش موثق ومجرد مشاهدات عبيطة بينما كلامه عن نسبة المشاركة حاليا مستند لمصادرتملك المعلومة
هو الإعلام مضلل لما ينشر معلومة مالهاش مصدر ولا لما يوثق معلومات بمصادر؟
ومحسوبين علينا اعلاميين
نفس الاعلام هو اللى كان جايب صور وفيديوهات من امام اللجان وبشهاده مراسليه ان الاقبال ضعببف على اللجان … وسبحان الله! بقدره قادر تتطلع نسبه المشاركه عليا!! 😀 …. طب ماعرفوش يفبركوها ليه من الاول ويجيبوا فيديوهات قديمه لانتخابات زمان اللى كانت مليانه ؟؟ .. ثم ان ليه اتعمل تانى يوم اجازه رسميه وكده ل10 م ومحدش راح كتير ؟! … ومدوا ليوم تالت لييه؟ .. انا اعرف ان مثلا لو فيه زحام عالانتخابات والعدد كتييير يبقى يتم مده عشان يدى فرصه للناس تنتخب ؟ … لكن لما مش لاقيين حد ينتخب يوم .. هينتخبوا تالت يووم؟!! 😀 .. لأ بس تالت ادى فرصه للزيت والسكر والشاى يشتغلوا .. والناس الغلبانه تروح تنتخب بدل ما يدفعوها غرامه 500 جنيه؟! :/ ليه يعنى؟!! … رجع الفساد والظلم من تانى
#ارحل_يا_سيسى_مرسى_رئيسى