الخطوة الرسمية :
حزب النور دعم رسمياً (أبو الفتوح) فى الجولة الأولى للانتخابات.
النتيجة :
ملايين الشباب الكيوت اللى بياكل بسكوت، صمم على التصويت ل(أبو الفتوح) تحت شعار السلفيين هيصوتوا معانا، و بيعرفوا يعملوا حشد لأى مرشح.
تشتيت الأصوات مع أبو الفتوح، تسبب فى وصول مرسى لجولة الاعادة، و انتهت طبعاً بفوزه و بدعم السلفيين.
صفقة سرية احتياطية لحزب النور مع أحمد شفيق، للموافقة على اعلان فوزه مقابل ضمانات و امتيازات للدعوة السلفية و حزب النور.
ملحوظة مهمة جداً: عدد الأصوات اللى حصل عليها حزب النور فى البرلمان 7,5 مليون صوت، اضافة لأصوات حزب الأصالة و خلافه.
بينما حصل أبو الفتوح على ((اجمالى)) حوالى 4.1 مليون صوت !
——————-
الخطوة الرسمية :
حزب النور يؤيد خارطة الطريق للقوات المسلحة.
النتيجة :
ملايين الشباب الكيوت اللى بياكل بسكوت، موافق على استمرار أحزاب (الاسلام السياسى) فى ممارسة نشاطها، تحت شعار (لا للاقصاء).
* التكرار بيعلم مين يا ولاد !؟ … بيعلم الشطار طبعاً !
و برضو الكيوت هيفضل ياكل بسكوت …. لا للاقصاء و كدة.
