مـبـروك يـا ريــس | احداث مصر

أشـرف صـقـر

احداث مصر

مـبـروك يـا ريــس

مبـروك ياريـس , دى إرادة ربنـا تحكـم فى مُـلكـه تشيـل أمانـة وربنا عايـزهـا ليـك , مبـروك ياريـس أقـول أنا وألا يعينـك ربنـا على ما بُـلـيـت .
مبروك ياريـس , سمعـت أنا حسيت وبيـك , طالـب رضانا كلنا , ودا يبقى شىء أحترمه فيـك , عايـز تلملـم شملنـا ونبقى قـوة نكون سنـد مُعيـن وليـك .
أصيـل ياريـس , فاكـر الجهـاد , فاكـر الجـدور , فاكـر الفـروع إللى كبـرت رعـرعـت , أول ثمارها إنت تكـون فيها رئيـس , أصيـل ياريـس , فاهـم كلامـك إللى قــُلته ومَعنته إللى ملـوش خيـر فى قديمه أكيـد يخـاف منه الجـديـد , وإعـرف ياريـس إن الجـدور دى لشجـرة واحـدة فى أرضنا وغيـرهـا في شجـر كتيـر محتـاج وليـك .
مبـروك ياريـس , أوعى الصدام , عايزيـن وبيـك نمشى لأمام , فيه ناس كتير هيسخنوك وهيهمسـوا فى ودنـك كلام عايزين وبيه يوقعـوك , دنيـا المصالح تشتغـل وهتـرضى ميـن , لو ترضى سيـن هينـُط صـاد , وغـيـرها لسه حـروف كتيـر , ومـش هتخلـص , تيجـى رجـلك , عيـون كتيـر باصـه عليـك , مستنيـن ليـك الوقـوع , أوعـى الرجـوع , عايـزيـن وبيـك نمشـى لأمـام , من غيـر صـدام , مطلـوب ميـزان وكـل شىء فيه يتحسـب وبالجـرام , لازم خطـوط نمشـى عليها يكـون لنا فـيهـا إتفـاق , الله يعيـن , قلبى معـاك .
شعبـك ياريـس فيـه كتيـر فرحـان وبيـك , والفـرح دا بيكون ليالى وتنقضى وبعـدها هيبـُص ليـك , فيـن الحصاد , عايزيـن كتيـر , الثورة قالت الفسـاد كان فى إللى فـات , وآديـك جـديـد , صدقنى مـش هيـرحمـوك , دا كان فى جـرة خلاص طلـع منها لِـبـره وصـوته عـالـى , لازم له حـد يفهمـه إيـه الظـروف , دى عايـزه صبـر , لازم له حـد يفهمـه إن الـبُـنـا محتـاج كتيـر , لازم له حـد يفهمـه إن لحافنـا مـش كبيــر , مطلـوب له حبـة قرفصه عشان ظروفنـا اليـوم مـفيـش , لازم تقـول له وعـرفـه وقـول له شيـل , إيـدى بإيـدك نبنى مصـر , دى عايـزة صبـر , مطلـوب أكيـد إخلاص كمـان مطلوب ضميـر , لازم تقـول له تعـرفه , زمن التنـابلـه خـلاص مشـى , حقـى وحقـك الشعـار , إدينـى تـاخـد غـيـر كـده مهتلـقـيـش , دى نصيحـة منى خـدهـا ليـك , خايـف عليـك .
وختام كلامى ليك يكون , عنـوان لشاعـرنا المصـون , حُـطه قـُصادك , عـنيـك تكـون دايـمـاً عليـه , أبـنـودى قـال ( دى مصر عارفـة وشـايفـه وبتصبـر , لكنهـا فـ خطفـة زمـن . . . تـعـبُـر , وتستـرد الإسـم والعنـاويـن ) , والله يعـيــن .

اقرأ ايضاً صفحات رأي متعلقة على جريدة احداث اليوم:

اضيف بتاريخ: Tuesday, July 3rd, 2012 في 02:55

كلمات جريدة احداث: , ,

6 رد to “مـبـروك يـا ريــس”

  1. عائشة
    07/07/2012 at 15:16

    السلام عليكم للدكتور محمد مرسى ويارب يخلهلنا ويحملنا بلدنا

  2. مصرى
    06/07/2012 at 10:52

    هوة مرسى الا*** دة ينفع رئيس والاخوان صدقوا نفسهم وبدا كل واحد منهم يدور على مصالح لية من دلوقت …. قريب قوى هايتلموا فى السجن الاشكال الوسخة دى ماينفعش تعيش فى نظافة

  3. الباشا
    05/07/2012 at 16:05

    وانت ادهاا وأدووووددد

  4. الباشا
    05/07/2012 at 16:04

    الف مليون مبرووك للدكتور محمد مرسى رئيساا للجمهورية لكن اقول له لا تدع قلة تقوم بزعزعة الامن فى مصر سواء اخوان او سلفيين او بلطجية ينتمون لاى جبهة اسحقهم بقوة القانون وانا اعلم انك كفيل بهم وبأقوى من مائة مثلهم

  5. احمد عماد الدين محمد
    04/07/2012 at 22:47

    مبروك ياريس وربنا يديك طولت العمر وكلنا معاك بدل انت على حق

  6. aya mazen
    03/07/2012 at 14:31

    مبروك ياريس وربنا يديك طولت العمر وكلنا معاك بدل انت علي حق

اترك تعليقاًً على هذا الرأي