بعد الحواديت الخيالية الطريفة التي ما أنزل الله بها من سلطان ونقرأ عنها في الجرائد ونشاهدها في برامج ال “لوك لوك شو” الليلية عن صحة الرئيس السابق حسني مبارك وحالته النفسية ونوبات البكاء التي يدخل فيها بمناسبة ودون مناسبة لا أستبعد أن يخرج علينا مندوب مجلة “البقرة الضاحكة” بانفراد يكسر الدنيا يتحدث عن طلاق مبارك وسوزان بعد مشاجرة حامية الوطيس بينهما في مستشفي شرم الشيخ ولم تفلح محاولات طاقم التمريض والأطباء في لم الشمل وغادرت الهانم الجناح الرئاسي وهي تبكي بحرقة و”تدعي” عليه روح منك لله.
تفاصيل الخناقة يرويها لقراء المجلة صديق مقرب للعائلة حاول تهدئة سر الزوجين وطبعا سنجد البهارات والتوابل المعتادة واللي مش مصدق يبقي يسأل جنابه أو ست الستات أو حتي المصدر اللي منعرفلوش طريق جرة.
في المقدمة سيكشف المصدر الذي سيرفض ذكر اسمه كالعادة ويرسم صورة درامية تتناسب مع جسامة الأحداث التي تمر بها العائلة ويحلف بالطلاق إن سوزان تعيش أسوأ فترات حياتها لكنها لاتزال متماسكة وتحاول بشتي الطرق إخراج الرئيس السابق من الحزن الذي يعيش فيه وتتودد إليه ليتناول أية أطعمة بعد نقصان وزنه وتدهور حالته النفسية وتحرص علي أن تناديه باسمه مجردا من أية ألقاب.. حسني.. حسني “طبعا مش مراته” وعندما لم يستجب لها وظل ينظر لها واجما ويعض علي شفته السفلي.. قالت بدلال “سنسن.. سنسن”.. لازم تاكل حاجة يا حبيبي تسندك في التحقيقات الكتيرة المتلتلة اللي جاية لانهم باين هيطلعوا عليك القديم والجديد.
اقتربت منه وربتت علي كتفه وضمته بحنان قائلة.. حافظ علي صحتك واسترجل وخدلك علبة بيريل كنز تطري علي قلبك وتنشط العضلة لا تطب ساكت مننا.. ما تزعلش نفسك م اللي بيتكتب ف الجرايد الصفرا.. اوعي تصدق الولاد بتوع الفيس بوك.. دول رعاع وسيس ولاد سيس.
وإذا كان علي علاء وجمال فهما بخير في منتجع طره عايشين عيشة فل في زنزانة برحة وشرحة فيها حمام بلدي وحمام أفرنجي هواه يرد الروح وماكنش ناقصهم إلا شبشبين بلاستيك بعتهم ليهم مع خديجة وهايدي في الزيارة الأخيرة وفوق دا ودا معاهم أعمامهم زكريا والشريف وسرور وصحابهم الانتيم في حكومة نظيف مونسينهم.. وأضافت علي طريقة اللوا محسن ممتاز في مسلسل “رأفت الهجان” فوق لنفسك.. مصر محتجاك يا حسني.
قال المصدر.. عند هذه اللحظة تساقطت الدموع من عيني الرئيس السابق ورق قلبه لكلام زوجته عندما سمع كلمة مصر ورد عليها.. شوفي يا “شوزي” ستعرفون لاحقا لماذا نطقها هكذا ما تستعجلوش الأمر لا علاقة له بما نقله البعض عن الأطباء من انه يعاني من تقل في اللسان وبطء الكلام أنا عشان “مشر” مصر .. أعمل أي حاجة مادام القلب ينبض وهناك نفش نفس يتردد.. وعندما هم ليكمل قائلا شأكون سأكون دائما في خدمة الوطن والمواطن خاشة خاصة محدود الدخل.
عاجلته قائلة كمن نفد صبره من المحايلة.. يا راجل انسي بقي احنا ف إيه ولا ف إيه افتح بقك وخدلك معلقتين دوختين زي ما دوخت البلد كلها.
في النهاية وافق علي تناول الطعام وهو عبارة عن حاجات بسيطة.. شوربة لسان العصفور وكوب زبادي وكيس بطاطس شيبسي ورغيف عيش من أبو شلن.. نادت سوزان علي الشغالة الفلبينية الموجودة معها لتناولها “طقم الأسنان” الموجود في كوب علي الكوميدينو القريب من سريره ليضعه في فمه حتي يستطيع مضغ الأرز الموجود في الشوربة عرفتوا ليه قال لها يا “شوزي”.
بدأت تملأ الملعقة وتنفخ في الشوربة لانها كانت ساخنة نوعا ما وخشيت أن تلسعه.. ناولته أول واحدة أخذها بشهية مفتوحة ومط شفتيه ولعقهما بلسانه ويبدو انه استطعم الخلطة خاصة انه لم يتناول أي شيء منذ وضعه في المستشفي ويكتفي الأطباء بوضع المحاليل وإعطاء السوائل له.
تشجعت وقررت أن تداعبه قائلة يلا يا حبيبي افتح بقك “هممم يا جمل”.. عند سماعه الكلمة الأخيرة صرخ في وجهها منفعلا قائلا.. يا ولية.. الله يحرقك بجاز.. قلتلك قبل كدا مش عايز أسمع سيرة أي “جمال” في الأودة دي خالص.. مش كفاية اللي حصل في الموقعة إياها وبوظت الخطة اللي كنا عاملينها بعد الخطاب المؤثر اللي خلي الناس كلها تتعاطف معايا والله ما انتي قعدة علي ذمتي دقيقة بعد النهاردا وراح رامي عليها يمين الطلاق.
هشام البسيوني
احداث مصر
طلاق سوزان مبارك
اضيف بتاريخ: Wednesday, May 4th, 2011 في 03:23
كلمات جريدة احداث: احداث, احداث مصر, سوزان مبارك, شرم الشيخ, مبارك, مصر
ق قله ادب وقلة رباية شوف نفسن الاول وبعدين ابقى شوف اسيادك ياحقير
على فكره ده كذب حتى ولو على سبيل الهظار ان الكذب يهدى الى الفجور
اللى كتب الكلام ده اكيد انسان غير محترم
اللهم إحفظ مصر ونجنا من الفتن.وإرحم شهيد الأمه بن لادن.اللهم إهلك الأمريكان واليهود.
عبد الناصر لما مات الله يرحمه زاد الكلام عليه وعلى عيوبه وأخطاؤه وكذلك السادات صدرت كتب على عيوبه ، ودة لسة موجود ومستعجلين أوي على الكلام عن كل أخطاؤه وعيوبه من دلوقتي ،،، عارفين مش قادرين تصبروا شوية ليه ؟؟؟؟ لأنه طبع في الشعب المصري يحب الكلام ويهيص وخصوصا لما يكون الكلام في عيوب مش مزايا ، ولما انتو عارفين العيوب ومفتحين أوي كدة متكلمتوش ليه من زمان وكنتوا منحازين أوي للريس ؟؟ دلوقتي وبعد 30 سنة جايين تتكلموا وتتريقوا ؟؟
على فكره كده عيب اووووى هو معدش فى اى حاجه نعلق عليها ونتظارف الا مبارك وعائلته دور على حاجه تفيد الناش بيها مش حاجه تضيع بيها وقتهم وخلاص لا حول ولا قوه الا بالله
يا جماعة كل شخص بيخطأ حسب وظيفته ومركزه بالمجتمع
مثلا الموظف الصغير ياخد رشوة على عمل يقوم به ومن اختصاصه
وبيعتقد الموضوع سهل لانه شغله وهيدارى على نفسه ولا فيه شخص تانى هيعرف
رجال الاعمال يسرقوا ويهربوا ويدخلوا مواد تضر بصحة الناس بدافع الاقتصاد
ودى ف ايدهم عادى والوزراء الغير شرفاء نفس الموضوع واعضاء مجلسى الشعب والشورى
يستغلوا الحصانة لاعمال غير مشروعة وبرده بيطكون فى ايدهم يسرقوا ملايين بأعمال بسيطة
فما بالك لو الشخص دى فى دائرة رئاسة الجمهورية مش شرط الرئيس بس ممكن يكون ابنه
وممكن يكون رجال الاعمال هما اللى شاروا على اولاد مبارك بالاعمال دى كلها مش معقول هما عمله كل دى من تفكيرهم وكلنا عرفين الزن على الودان امر من السحر كما يقال …..
بالله عليكم خلاص ما عتش عندنا الا مبارك وبيته واولاده ليه كده هو ان كان اخطا فهو بشر مثلنا وكلنا خطائون ولو كل واحد بص لحاله والله لوجد فى نفسه العبر ارحمو الناس الله يرحمكم وبلاش كل شويه مبارك وزوجنه واولاده هوفى القضاء وانهو وشوفو مصالحكم لاننا لو استمرينا على كده اقسم بالله ما هتلاقو تاكلو وترجعو تقولو ولا يوم من ايامك يا مبارك
دهاسمهاستخفاف منك يابودم زباله ودمك بينقط سم واىواحدبيشتم على مبارك ربناينتقم منه وربنايقومك بالسلامه يامبارك وينصرك ويظهر حقك والفسادده فى دم المصرين بالوراثه مش بس فى عصر مبارك
انت عشل بجد انت عشل خالش
دمك تقيييييييييل قوى ياظريف
اظاهر بتحب تتفرج على افلام عربى كتير
يا ظريف
دمك خفيف
ما بلاش هبل واستخفاف