مصرية

احداث مصر

ربنا يشفى الرئيس مبارك يارب آمين

والله عيب علينا المعروف على المصرى انه قلبه ابيض لايسىء الى من اساء اليه يسامح وينسى الاساءة بسرعة مهما حصل دا انسان مصرى مثلنا يكفى انك كنت تنام وانت مطمئن وتذهب الى عملك وانت مطمئن على بيتك وأولادك الآن نقفل بيوتنا بالاقفال من الخوف ان يتهجم عليك أحد وعلى أبنائك وانت فى بيتك فمابالك ببلدك كلها دون حراسة وأمن وأمان يكفى .3 عام دون حروب عيب لما نقول مش لاقيين ناكل أى رجل أعمال بيعيش كويس ويسرف كويس ودخله كبيير فمابال رئيس دولة ليه مش شايفيين ملوك وروءساء الدول العربية ومقدار ثرواتهم التى لاحصر لها فى كل مكان وكل دولة بها الخير والشر وهذا قدره الله لكل البشر ربنا يشفى الرئيس مبارك يارب آمين

للهم اشفى انت الشافى المعافى ياجماعة كفاية كده ربنا يشفيه يارب لاشماتة فى المرض ولا الموت لانه كله بيد الله ياريت نفتكر حاجة كويسة له عيب علينا مهما كان داكان رئيس جمهورية مصر الرئيس أنور السادات ناس كتير كانت حزينة لما سافر اسرائيل ويمكن قتل لهذا السبب يعنى دا العادى بتاعنا افتكر لما كان مبارك رئيس كان اى واحد يتمنى يسلم عليه سواء من الصحافة او المذيعين او حتى بشر عاديين ياريت نذكره بكل خير ونفكر بقى فى بكرة ويكون أختيارنا صح أهم حاجة يكون مصرى عايش معانا ومرة واحدة تكون كلمتنا واحدة ورأينا واحد مش نختلف وهذا متوقع

اقرأ ايضاً صفحات رأي متعلقة على جريدة احداث اليوم:

اضيف بتاريخ: Friday, February 18th, 2011 في 17:08

كلمات جريدة احداث: , , ,

21 رد to “ربنا يشفى الرئيس مبارك يارب آمين”

  1. raouf
    21/02/2011 at 02:33

    يا ريت نبقى نقول الرئيس السابق علشان الكلمة جديدة وأول مرة تتقال فى مصر

  2. raouf
    21/02/2011 at 02:27

    صحيح هو ما دخلش البلد فى حرب 30 سنة بس مش هو دة المقياس لأنة كان شايف الفساد وساكت والساكت عن الحق شيطان اخرس وغير كدة كان مجوع البلد وجمال وعز بينهبوا فى البلد
    ومع ذلك ربنا يشفية لأن مفيش حد يفرح فى المرض
    المهم عايزين الكراسى بتاعة رئاسة الجمهورية و جميع الوزارات تكون تيفال علشان أى مسئول ما يلزقش فى الكرسى

  3. أحمد
    20/02/2011 at 21:59

    هذة شهادة حق تحاسب عليها ان شاء الله يوم القيامة .لو فكرنا بحكمة وعقل كلنا نعمل في الدولة لوانا اوانت سرقنا فهل ستجد من يقول لك عفا الله عما سلف ؟لا طبعا فلم هو ؟ لابد ان نقول الحقيقة انة ظلمنا جميعا وعشنا في قحط وربطنا الاحزمة مثلما قال لنا وفي النهاية يسرقنا هو واسرتة . حسبي الله ونعم الوكيل . مارأيكم كمان في الشهداء نسيناهم ؟

  4. نوا عبده
    20/02/2011 at 17:01

    وهو يعنى انسان مصرى وبقيت الشعب حيوانات مصرية وانتى بتدعيله ان ربنا يشفيه ده ان كان يعنى مريض افتكرى الشهدا اللى ماتوا وهم بيطالبوا بحقوق الشعب المصرى وبدل ماتدعيه بالشفا ادعيلهم بالرحمة

  5. rana
    20/02/2011 at 00:37

    يارب يشفية وحسبى اللة ونعم الوكيل ف اللى بيتهمو بالتهم دى

  6. رجب شعبان
    19/02/2011 at 21:20

    اللهم لا شماته فان المرض كأس داير ولعل مرضه هذا يكون له كفارة اللهم اشف كل مريض مسلم ولكن ان الله يرسل لعباده ايات لعل يكون فيها الدواء فمن الناس من تمر عليه ايات الله ولايلقى لها بالا منهم من يتعظ ويراجع نفسه فان الاف من الابناء والاحفاد يموتون كل يوم يتحسر عليهم قلوب ذويهم منهم من يموت جوعا ومنهم من يموت وهو منتظر دوره للعلاج بمستشفيات الحكومة ومنهم من يموت فى حوادث الطريق والقطارات وغيره وغيره فارسل الله له رسالة فمات حفيده من مرض مامهله الا ساعات قليلة اطباء على اعلى مستوى طائرة خاصة تنقله للخارج ولكن القدر سبق هل ياترى مبارك تفهم الرسالة .. لاأظن لو فهم الرسالة لتبرع بثلث ماله للاطفال من علاج وطعام وملابس وتعليم ثم ان الله ارسل له رساله اخرى هى اصابته بمرض كثير من اهل مصر اصيبوا به من جراء البذور المسرطنة والهرمونات ومياه الشرب الذى ولى امرهم للفاسدين من رجاله الذين لايألون فى مؤمن الا ولاذمة حسبنا الله ونعم الوكيل واللهم لاشماته ونعوذ بالله من البغضاء واللهم اشف مرضانا وولى امورنا خيارنا .

  7. رشا المصرى
    19/02/2011 at 21:13

    يارب اشفيه وسمحنا يا ريس لو فى ناس مقدرتش انت مين بس احنا والعالم كله عارف انت مين رجل الامن والامان ومحبى السلام وهتفضل الرئيس محمد حسنى مبارك رغم انف كل معارض مصرين او مش مصرين وانا مصريه وبقول ستظل فخامة الرئيس مبارك

  8. بحبك يا بلادى
    19/02/2011 at 17:23

    ربنا يشفيه ويقوم ب الف سلامه ويبعد عنو اى شر يصرف النظر عن اللى عملو بسس دة بنى ادم ولازم نكون متسامحين

  9. rasha
    19/02/2011 at 15:02

    والله لازم نتبع حديث النبى عليه الصلاة والسلام ” ليس منا من لم يوقر الكبير ويرحم الصغير”
    ولازم كلنا نرجع الى الله ونعرف اننا بنتخانق وبناخذ ذنوب فى الشماته والاهانة وان الدنيا مش مستاهلة وكله بياخذ نصيبة من الدنيا والاخرة خير وابقى
    اعلم أن ما أخطأك لم يكن ليصيبك وما أصابك لم يكن ليخطئك
    وكل ما حدث فى مصر من فساد وظلم كان تقدير الله عز وجل وما كان لنا ان نمنع حدوثه لانه مقدر وان ما حدث من ثورة ادت الى التغير ماكان من الممكن الا يحدث لولا قدر الله عز وجل فكل شىء بيده وحده وما نحن الا اسباب تنفذ قدر الله عز وجل

  10. مهند
    19/02/2011 at 08:36

    مشكلتنا كشعب مصري أننا شعب عاطفى جدا وبلا تفكير يردد أي شيئ كفانا نفاق بوعى أو بدون وعى فهزا الديكتتاتور الفاسد قد دمر مصر [اكمله من أعلى نسبة سرطان فى العالم الى الفشل الكبدى والكلوي الى نهب كل ثروات مصر الى اهدار كافة حقوق المواطن وكرامته وتغول فساد مبارك وكل اركان نظامه وانهيار التعليم مازا تريدون ايضا كفانا عشقا ولزة للعبوديه فقد ان أوان الحريه فلنرفع رأسنا عاليه فنحن مصريين ولن نرضى من اليوم بما يجود به الحاكم علينا بل نأخز كل حقوقنا كامله وسنحاسب الفساد ما سبق منه وما لحق فالحكم الأن فقط لله ومن بعده لشعب مصر

  11. اميرة
    19/02/2011 at 02:56

    يارب يشفية وياريت يتم تكريمة ياااااااااااااااااااااااااااااار ب

  12. olfat alam
    19/02/2011 at 02:50

    الحكام العرب كلهم عندهم فلوس لكن شعبهم عايش كويس مشس زينا مش لاقيين ناكل شوف الشعوديه والامارات وغيرها علي الاقل المواطن عندهم كرامته محفوظه مش زينا كنا مهانين في الداخل و الخارج

  13. emoo
    19/02/2011 at 01:07

    السلام عليكم ورحمه الله وبركاته
    والله العظيم بنحبك يا سيادة الرئيس وندعو الله عز وجل لك بالشفاء العاجل
    انت انسان محترم جداااا وعقللك كبير جداااا وموقفك من التنحى كان موقف نبيل يدل على انك بتحب مصر وخائف على شعبها
    الف الف الف مليون سلامه عليك يا ريس
    ابنك المخلص ايمن

  14. أ/هناء المحاميه
    18/02/2011 at 23:52

    كفاية تعميم العمة مش على دماغنا بس لاده غططنا كلنا انتو صدقتو ان الطاغية مريض صدقتوا الاعلام اللى لسة مابطلش فساد ومحسوبية.الطاغية بصحة جيدةوياكل الشيكولاتة والمارون جلاسيه ده مش كلامى ده كلام الصحف الاجنبية بطلو فساد ولا انتو لسه عايشين من اللى بيدهولكم خلو عندكم امانة بلاش تخدعو الناس ولا هو ده اللى بيجى مع الناس المسكنة وتسول المشاعر كفى استهانة بالشعب المصرى هو اه طيب لكن مش عبيط دلوقتى عيى كان فين والناس بيموتو خلو فية شوية ضمير

  15. علاء اسعد وحرمه
    18/02/2011 at 21:02

    والله بحبك بحبك بحبك
    ربنا يشفيك
    تمنياتى للرئيس مبارك بالشفاء العاجل وارجو منه ان لا يغادر ارض الوطن مهما حدث نحب ان تكون بجانبنا وقريب منا لآخر العمر واعتذر على كل كلمه اساءت لك وربنا يجازى اللى ظلمك

  16. hima
    18/02/2011 at 20:50

    ياريس ربنايشفيك ويعافيك وتكون بصحة جيدة واحسن حال وعمر مديد اللهم امين واحنا كلنا بنحبك يا ريس وفي قلوبنا دايما

  17. القصاص
    18/02/2011 at 19:56

    لو راجل و مصري و مخلص و عنده كرامة المقاتل
    يرد المليارات اللي سرقها و يسدد بيها ديون مصر
    انا واحد من اللي حضروا حملة جنية من اجل سد ديون مصر و الله ا علم الجنيهات بناعتنا راحت فين

  18. المسامح
    18/02/2011 at 19:24

    عفا الله عما سلف الله يسامح

  19. noga
    18/02/2011 at 19:20

    صحيح انتصرت ثورة الشباب وحقيقى ماكتب عنه فى المقال ده بطل حرب وسلام وايضا ابو المصريين بس ساب ولاده تسرق وبلدنا تنهب ونام وريح ووضع فى اذنيه شمع وعلى اعينه ماسك

  20. ايمى
    18/02/2011 at 19:17

    ربنل يستر على الايام اللى جايه
    محدش ينكر كل الكلام ده من عدم الحروب لمده 30 سنه والامان اللى كان موجود فعلا
    لكن كمان ما تنكروش ان فى ناس كتير برضو اتظلمت وما حستش بامان
    وان ناس كتير اتهانت جوه مصر وبره مصر لمجرد انهم مصريين مالهمش كرامه فى بلادهم فازاى حيكون لهم كرامه
    كل وقت له ايجابياته وسلبياته
    اكبر خطأ كان تهميش رأينا والدوس على كرامتنا بالجزم وبيلهونا فى لقمه العيش والغلاء
    ما حدش بياخد اكتر من نصيبه بس كفايا اهنات
    وربنا ينتقم من كل ظالم وفاسد
    ويا مصريين ما تنسوش انا ربنا يمهل ولايهمل
    واكيد كان فى فرص كتيير للطغاه ان يرجعوا عن افعاله
    لكن غبائهم وظلمهم لانفسم قبل ظلمهم للغير كان مغمى عنيهم مافيش فايده غير ان نقول يااااااا

    رب من القلب

  21. ليلى
    18/02/2011 at 18:26

    للاسف الشديد عمر الانسان مابيرضى بالواقع اللى هو عايشه

    ومهما كانت فى حريه او ديمقراطيه وتم اختيار الريس الجديد عن طريق الانتخاب الحر المباشر وبردوا بالرغم من ذلك حيجى الوقت ونقول دا حرامى للاسف دا حال كل الشعوب

    المهم مانكونشى ناكرين لجميل رجل قضا شبابه انه يجنبنا ويلات الحروب ونعيش بامان

    نشوف الان مش رئيس الجمهوريه اى تاجر او موظف فى شركه عنده ايه املاك ودا رجل بقاله 30 سنه يبقا عمل اد ايه اتقوا الله

اترك تعليقاًً على هذا الرأي