ﺇﺣﻨﺎ ﺍﻟﺸﺮﻋﻴﺔ.. ﻟﻮ ﻣﺤﺪﺵ ﻋﻠﻤﻬﺎﻟﻚ ﻓﻲ ﺍﻟﺠﻤﺎﻋﺔ ﻳﺎ ﺍﺳﺘﺎﺫ ﻳﺎ ﻣﻌﻠﻢ ﻳﺎ ﺩﻛﺘﻮﺭ ﺍﻟﻬﻨﺪﺳﺔ ﻓﺎﺗﻌﻠﻤﻬﺎ ﺩﻟﻮﻗﺘﻲ.. ﺇﺣﻨﺎ ﺍﻟﺸﺮﻋﻴﺔ.. ﺇﺣﻨﺎ ﺍﻟﺸﻌﺐ ﺍﻟﻤﺼﺮﻱ.
ﺍﻟﺸﺮﻋﻴﺔ ﻣﺶ ﺻﻨﺪﻭﻕ ﺟﻮﺍﻩ ﺯﻳﺖ ﻭﺳﻜﺮ ﻭﺗﻜﻔﻴﺮ ﻭﺟﺜﺚ. ﺍﻟﺸﺮﻋﻴﺔ ﻫﻲ ﺍﻥ ﺍﺣﻨﺎ ﻧﻜﻮﻥ ﺭﺍﺿﻴﻴﻦ ﻋﻦ ﺣﻜﻤﻚ. ﺩﺍ ﺍﻟﻠﻲ ﺑﻴﺴﻤﻮﻩ ﺍﻟﻌﻘﺪ ﺍﻻﺟﺘﻤﺎﻋﻲ، ﺍﻛﺘﺒﻬﺎ ﻣﻤﻜﻦ ﺗﻨﻔﻌﻚ. ﺍﻟﻌﻘﺪ ﺍﻻﺟﺘﻤﺎﻋﻲ ﺩﺍ ﺍﻟﻠﻲ ﻫﻮ ﺍﻟﺪﺳﺘﻮﺭ ﺍﻟﻠﻲ ﺑﻌﺘﻨﺎ ﺑﻴﻪ ﻟﺠﻤﺎﻋﺘﻚ ﻭﻣﻊ ﺫﻟﻚ ﻣﺎﻳﻨﻔﻌﺶ ﻳﻜﻮﻥ ﺩﺳﺘﻮﺭ ﻣﻦ ﻏﻴﺮ ﻣﺎ ﻳﻘﺮ ﺑﺎﻟﻤﻌﻠﻮﻣﺔ ﺩﻱ، ﺍﻟﻠﻲ ﻫﻲ ﺍﺳﺎﺱ ﻭﺟﻮﺩﻩ ﻛﻮﺛﻴﻘﺔ ﻭﺍﺳﺎﺱ ﻭﺟﻮﺩﻙ ﻓﻲ ﺍﻟﺤﻜﻢ: “ﺍﻟﺸﻌﺐ ﻣﺼﺪﺭ ﺍﻟﺴﻠﻄﺎﺕ”.. ﻳﻌﻨﻲ ﺍﻟﺸﻌﺐ ﻫﻮ ﺍﻟﺸﺮﻋﻴﺔ.. ﻳﻌﻨﻲ ﺇﺣﻨﺎ ﺍﻟﺸﺮﻋﻴﺔ.. ﻣﺶ ﺍﻧﺖ، ﻭﻻ ﺩﺳﺘﻮﺭﻙ، ﻭﻻ ﺻﻨﺪﻭﻗﻚ.
ﻣﺒﺎﺭﻙ ﺍﻟﻠﻲ ﺍﻧﺖ ﺟﻴﺖ ﻋﻠﻰ ﺍﻧﻘﺎﺽ ﺷﺮﻋﻴﺘﻪ ﻛﺎﻥ ﻣﻨﺘﺨﺐ، ﻭﻣﻊ ﺫﻟﻚ ﻻﻧﻪ ﺑﻜﻞ ﻋﺒﺮﻩ ﻓﻬﻮ ﻣﺼﺮﻱ ﺍﻭﻻ ﻭﺍﺧﻴﺮﺍ ﻗﺎﻝ ﻟﻠﺸﻌﺐ ﺣﺎﺿﺮ.. ﺍﻧﺎ ﻣﺎﺷﻲ ﻻﻥ ﺩﻱ ﺭﻏﺒﺘﻜﻢ ﻭﺍﻧﺎ ﻓﺸﻠﺖ ﺍﻧﻲ ﺍﻗﻨﻌﻜﻢ ﺍﻧﻲ ﺍﺻﻠﺢ ﺍﻛﻤﻞ ﻓﻲ ﻣﻨﺼﺒﻲ، ﻭﺩﺍ ﺍﻟﻌﺪﻝ ﻭﺩﻱ ﺍﻟﺸﺮﻋﻴﺔ.
ﺍﻟﺸﺮﻋﻴﺔ ﺍﻧﻚ ﺗﻜﻮﻥ ﺍﻧﺴﺎﻥ ﺍﻭﻻ.. ﺍﻧﺴﺎﻥ ﻋﻨﺪﻙ ﺿﻤﻴﺮ.. ﻭﺍﻟﻀﻤﻴﺮ ﺳﺎﺑﻖ ﻋﻦ ﺍﻟﺪﻳﻦ، ﻻﻥ ﻣﻦ ﻏﻴﺮ ﺍﻟﻀﻤﻴﺮ ﻣﻔﻴﺶ ﺣﺎﺟﺔ ﺍﻟﺪﻳﻦ ﻳﺨﺎﻃﺒﻬﺎ ﺩﺍﺧﻞ ﺍﻻﻧﺴﺎﻥ.
ﺍﻟﺸﺮﻋﻴﺔ ﻫﻲ ﺍﻧﻚ ﺗﻜﻮﻥ ﺃﻣﻴﻦ.. ﺃﻣﻴﻦ ﻋﻠﻰ ﺍﻟﺒﻠﺪ ﻭﺃﻣﻴﻦ ﻋﻠﻰ ﺃﺭﻭﺍﺡ ﻧﺎﺳﻬﺎ.
ﺍﻟﺸﺮﻋﻴﺔ ﺇﻧﻚ ﺗﻜﻮﻥ ﺷﺮﻳﻒ.. ﺑﺘﻮﺍﺟﻪ ﺧﺼﻮﻣﻚ ﺑﺸﺮﻑ ﻭﻧﺰﺍﻫﺔ ﻣﺶ ﻣﺘﺤﺎﻣﻲ ﻓﻲ ﻋﺼﺎﺑﺔ.
ﺍﻟﺸﺮﻋﻴﺔ ﺇﻧﻚ ﺗﻜﻮﻥ ﺻﺎﺩﻕ.. ﺗﻠﺘﺰﻡ ﺑﻌﻬﺪﻙ ﺍﻟﻠﻲ ﺍﻗﺴﻤﺖ ﻋﻠﻴﻪ ﻗﺪﺍﻡ ﺍﻟﻨﺎﺱ ﺍﻧﻚ ﺗﺮﺍﻋﻲ ﻣﺼﺎﻟﺤﻬﻢ ﻭﺗﺤﺘﺮﻡ ﻗﺎﻧﻮﻥ ﺍﻟﺒﻠﺪ ﻭﺩﺳﺘﻮﺭﻫﺎ.
ﺍﻟﺸﺮﻋﻴﺔ ﺍﻧﻚ ﺗﻜﻮﻥ ﻋﺎﺩﻝ.. ﺗﺨﺪﻡ ﻣﺼﺎﻟﺢ ﺍﻟﻜﻞ ﻣﺶ ﺟﻤﺎﻋﺘﻚ ﻭﻋﺸﻴﺮﺗﻚ.
ﺍﻟﺸﺮﻋﻴﺔ ﺍﻧﻚ ﺗﻜﻮﻥ ﺣﺮ.. ﻗﺮﺍﺭﻙ ﻧﺎﺑﻊ ﻣﻨﻚ ﺍﻧﺖ ﻣﻦ ﻏﻴﺮ ﻭﺻﺎﻳﺔ ﻭﻻ ﺍﺟﻨﺪﺓ ﻣﻠﺘﺰﻡ ﺑﻴﻬﺎ ﻗﺪﺍﻡ ﺟﻤﺎﻋﺘﻚ.
ﺍﻟﺸﺮﻋﻴﺔ ﺍﻧﻚ ﺗﻜﻮﻥ ﻋﻨﺪﻙ ﻛﺮﺍﻣﺔ.. ﻻﻧﻚ ﺑﺘﻤﺜﻞ ﺩﻭﻟﺔ ﻋﻈﻴﻤﺔ ﻟﻬﺎ ﻛﺮﺍﻣﺘﻬﺎ ﻭﻟﻬﺎ ﺣﻀﺎﺭﺓ ﻭﻟﻬﺎ ﺷﻌﺐ ﻳﺴﺘﺤﻖ ﺍﻥ ﻳﺮﻓﻊ ﺭﺃﺳﻪ.
ﺍﻟﺸﺮﻋﻴﺔ ﻫﻲ ﻛﻞ ﺣﺎﺟﺔ ﻏﻴﺮ ﻣﺘﻮﻓﺮﺓ ﻓﻴﻚ.. ﺍﻭ ﺑﻤﻌﻨﻰ ﺍﺻﺢ ﺍﻧﺖ ﺗﺠﺴﻴﺪ ﻣﺜﺎﻟﻲ ﻟﻜﻞ ﻣﺎ ﻫﻮ ﻣﻨﺎﻗﺾ ﻟﻤﻌﻨﻰ ﺍﻟﺸﺮﻋﻴﺔ.. ﺍﺭﺣﻞ ﻳﺎ ﻣﺮﺳﻲ.
