TAREK UWK

احداث مصر

شهادة من العصيان المدني في المنصورة

عصيان المنصوره ينهك الأمن المركزي الكثيف ..
ويتصدى ببسالة للقذائف ويرعب الخرفان

انا لسه جاى من ميدان الثورة فى المنصورة من شويه
الاحداث كالاتى بالترتيب
من اول بدايه العصيان لحد الساعه 6 كان كله تمام !! الساعه 7 بدأ الاشتباك من قبل الامن المركزى بفض العصيان
انا كنت موجود من بدايه الاشتباكات لحد ماروحت
1..اعداد عساكر الامن كانت كبيرة جدا بالنسبه ل اميارح او اول
كانت واقفه عند المديريه القديمه وكان فى جبهتين واحد من مدخل شارع قناه السويس والتانيه من عند مطعم البغل كدا تقري
2..التيار والتحالف كان مستشفى ميدانى واللى سمعته ان المقرين اتقفلو بس انا مطلعتش
3.. شوفت النهردة منظر فى قمه البشاعه للاختصار عساكر الامن المركزى اللى بتقولو عليهم غلابه ضربوا النهردة ستات بس هنا خلص الكلام وناخد ميت الف خط فى الحته دى
4..اتضرب علينا خرطوش
5..كان اللى بيتمسك يااما بيتهرس من الضرب يااما يتقبض عليه زى مايكون معروف
6..الغاز المسيل كان تاثيرة مخيف وقوى
7..بعد ما الشبورة نزلت كان الجو عاكل زى مدينه اشباح وانهى تأثير الغاز فى لحظات بعد اطلاقه علينا لكن العساكر مكناش بنشوفهم ولا حتى الطوب اللى بيتضرب علينا
8..عريبات الاسعاف كانت بتعرص علينا ومكنتش احيانا بتيجى او احيانا بتسلمنا للشرطه ولو الحاله خطيرة على المستشفى
9..مازال وجود الستات الاحرار موجود فى الشارع اللى منقدرش نستغنى عنهم …النهردة انا شوفت الست اللى اتضربت من الاخوان سلمت عليها وانحنيت لها احتراما وتقديرا لها
10..يظهر على عساكر الامن المركزى التعب ومدير الامن فاشخهم ومش مريحهم ودا مفيد لينا جد
11..الاصابات كانت فى المعقول ياااما حاله اخنتاق او ضربه طوبه والخرطوش الحمد لله ما اصبش حد غير بليه جات فى دماغ واحد صاحبى 😀
12..تدفق الادرينالين كان عالى النهردة غير اليومين اللى فاتو لو استمرينا كدا لمدة اسبوع كمان قول على عساكر الامن المركزى يلا السلامه وهنحول حربنا على الاخوان وهنقدر نحط عليهم لانهم ببساطه مش مدربين
13..طبعا ومن غير مبالغه انا كنت واقف بين اقسم بالله ثوار حقيقين ومش هحكى على اى ادوار بطوله ومش هقولك غير انزل شوف بنفسك لو لاقيت حد بلطجى قول فيا اللى انت عايزة لو لاقيت حد مأجور ليك اللى انت عايزة مش هتلاقى غير ناس ممكن تموت عشان ناس غيرها تزايد عليهم وتقول عليهم بلطجيه 🙁
14.. فى عصيان مدنى بكرة من الساعه 7.30 والحشد من التيار ودا اختيار لقوتنا فا ارجوكم شير لو سمحتم وشاركوا فى صناعه عصيان قوى
يامصر لو ليا الف روح هديهوملك هديه

اقرأ ايضاً صفحات رأي متعلقة على جريدة احداث اليوم:

اضيف بتاريخ: Wednesday, February 27th, 2013 في 09:16

كلمات جريدة احداث: ,

ردود to “شهادة من العصيان المدني في المنصورة”

  1. مصرى حر
    27/02/2013 at 14:15

    كله هتش بهتش بكلام فارغ عصيان ايه اللى انت بتتكلم عليه دا عصيان لشوية اراجوزات وصيع وبلكجيه العصيان يكون من الشعب نفسه من الموظف نفسه من المدرس الدكتور المهندس العامل كل الناس تعمل عصيان مدنى يامتحضريين مش نروح نطلع الناس من عملهم ومدارسهم والبلطجيه يفلقوا الاماكن ارحموا الشعب المسكين لامرسى هيمشى ولا جبهة الخراب هتفيد مصر فى حاجه سيبوا البلد وغورو فى داهيه جتكم نيله شوية اراجوزات

اترك تعليقاًً على هذا الرأي