توتا ادهم

احداث مصر

نسيتو كل حاجه عملها الرئيس مبارك علشانكو

اقول ايه بس الله يسامحكم
انتو اصلا شعب مش مصرى لا قلت اصلى

نسيتو كل حاجه عملها علشانكو
نسيتو الكبارى البنية التحتية المصانع توشكى اختفاء مرض شلل الاطفال فى مصر نسيتو كيف جنبكم الحروب طول 30 سنه كان ممكن تدخلوا فى 100 حرب متعرفوش ازى تنجو من دايرتها
كل ده ومعملش حاجه
نسيتو لما قاطع امريكا 5 سنوات علشان ميعملشى قاعدة امريكية عندنا زى اليلاد العربية الاخرى

نسيتو ازاى الرئيس الراحل السادات لما قال الراجل ده اسرائيل بتعملوا الف حساب
نسيتوا ازى معملاتوا الخارجية مع البلاد وسياسته فيها وحكمته اللى لولها ماكنا قاعدين سالمين من غير حروب
نسيتوا ازاى موقفوا مع الجزائر اللى لولا حكمتوا لكنا فى حورب معاها النهاردا لما ضربونا
ازاى نسيتوا كل ده احنا فعلا شعب قليل الاصل مبيتمرش فينا وزى ما قال اوباما الشعب المصرى يعانى من الشيزوفرنيا
بصوا دلوقتى لمل طفل وانتو تعرفوا قيمة ان اطفالكم بيمشوا على رجليهم من غير مرض كان عامل لينا رعب شلل الاطفال
نسيتوا القراءة للجميع نسيتو حقوق المراة والسيدة سوزان مبارك نسيتو حق الطفل
انا مش عارفه ازاى بتنسوا كل ده
انا معاكم ان فيه ظلم لكن لازم يبقى فيه رحمه وتقدير للحلو وميتهنشى رمز بلدك ازاى…………………… تهينو وده هيكون فى تاريخك طول عمرك وعمر اجيال اجيالك………..ده الاحترام اللى بتعلموه لاطفالكم . يعنى معنى كده ان لما اب او رب اسرة يغلط لازم نمشيه ونعدمه ونهينه ازى ازى ……….فى حاجه اسمه احترام الكبير هو قال مش هيمش الا بعد ميصلح فيها ومش هيرشح نفسه تانى ليها يبقى خلاص كان لازم نديلو فرصة ولما يسبنا يسبنا باحترام بس مش كده حرام عليكو
انا سمعت انه حالته وحشه قوى وانه فى غيبوبه كبيرة وده طبعا بسببكم الله يشفيه ويسامحنا على كل ذنوبنا الكبيرة والصغيرة …. والله معامك ويعينك على قلة اصلنا وفعلك شكرررررررررا

اقرأ ايضاً صفحات رأي متعلقة على جريدة احداث اليوم:

اضيف بتاريخ: Tuesday, February 15th, 2011 في 13:45

كلمات جريدة احداث: , ,

3 رد to “نسيتو كل حاجه عملها الرئيس مبارك علشانكو”

  1. مصرية اوى
    17/02/2011 at 17:45

    انا بقول كفاية شعارات و لازم نشتغل تانىو نبقى احسن من الاول كل انسان فى مجال عملةو الله معنا جميعا

  2. محمد
    17/02/2011 at 16:34

    والله انا مش عارف انا فرحان ولا زعلان فرحان علشان التغيير اللى حصل وزعلان علشان الرمز اللى اتهان مننا احنا . الراجل عمل حاجات كتير حلوه وفيه حاجات وحشه لكن اتحدى واحد يذكر لى رئيس محصلشى فى عهده فساد كل اللى انا طالبه دلوقتى وبتمناه من ربنا ان الشعب كله يدعى للرئيس محمد حسنى مبارك رجل الحرب والسلام لأنه محتاج لدعواتنا الان ونسامحه على اللى حصل فى عهده يا جماعه ربنا بيغفر احنا العباد مش هنغفر ونسامح

  3. soze
    16/02/2011 at 21:13

    الاخ اللى كتبلنا عن انجازات مبارك افتكرت انه مدخلناش حروب نسيت انه موتنا فطيس (محروقين فالقطارات غراقنين فالعبارات ومتقطعين عالاسفلت مرضى بالسرطان والكبد الوبائى والفشل الكلوى)طبعا دة خلال السنين اللى فاتت مش 18 يوم العند اللى اتصابوا واتعموا واتشلوا فالتحرير دة غير اللى سرقه هو والحرمية اللى تبعه يارب انصرنا

اترك تعليقاًً على هذا الرأي