أتى أللهُ ملكه من شاء – وها قد نزعه منه يوم شاء – معزً – مذلٌ – بيده الكثير – وما كان فى كونه ( ماشاء ) – ومن أعمالنا ُسلطَ علينا – فتلك الحقيقهُ يا أصدقاء –تعالت هتافاتهم ( يوم شاء ) – تعالت هتافاتهم حررونا – تعالت هتافاتهم أطلقونا – دعونا نمارسُ حق الحياه – نحطمَ كل القيود القديمه – نثورُ على كل شىء قديم – فبأسم التحرر – وبأسم التقدمُ قالوا دعونا – دعونا نمارس ما نشتهيه – دعونا نطالبكم بالحقوقَ – دعونا دعونا ولا تمنعونا – وفعلا ً دعوهم – وقد تركوهم – فحقٌ لهم ما يطلبونَ – مشاهد ٌ لهم و أرى ما ترون َ – فمنهم يقول الرواتب قليله – فكيف نعيشُ بها أفهمونا – وإعتصاماتٌ وإضراباتٌ وبوقف للحال هددونا – تزيد ألرواتب منين طب قولولنا – تزيد الرواتب منين دبرونا – ومجموعهٌ تانيه كلامهم كتير – بتندب – تولول – تقول سرقونا – تقول فقرونا – وم الذل حتى كمان شربونا – كلام وكلام – مفيش غير كلام – وإيه م الكلام هيفيد نورونا – دماغنا وجعنا يا ناس إرحمونا – وداروا خيبتنا – بلاش تفضحونا – دا حتى إخوتنا ف قنا غضبانين – شيلوا لنا المحافظ يا مش ماشيين – وقطعوا الطريق – طريق القطار – وعالقضبان مش منقولين – والأقصر وأسوان متضررين – هنبعت وفود – وفود للتفاوض تبوس الإيدين – وقفتم ليه حالنا ياناس إرحمونا – من القطر ليه كده تحرمونا – ومجموعه تانيه ف مظاهره عظيمه – مظاهره لإخوه متدينين – على من أسلمت هم يبحثونَ – هنقعد هنا – مش ماشين – هاتوها – هاتوها – ياناس وإسألوها – شوفوها ياناس على أى دين – وفتنه هتحصل ومش دريانين – ( أفيقوا شويه ) – أهذى ألحقوق كما تزعمون – فأف لكم ولما تدَعون – أنا لستُ أقبلُ هذا ألهراء – أنا لستُ أقبلُ هذا ألعداء – فهيا إنتهوا أيُها الأدعياء – وهيا أفيقوا – أخاف حصادٌ لما تزرعونَ – حصادُ الهشيم – أفيقوا رجائى لنبنى البلاد – كفى جهلٌ وتعصبٌ وإنفلات – أعشوائية تريدوا البلاد – أفيقوا لنصبح أهلاً ليومٌ ُيولى علينا خيار ألعباد – أفيقوا أفيقوا – ُأكرر رجائى – أفيقوا أفيقوا – كفاكم هراء .
الله يفتح عليك يا استاذ ..الكلام ده هو الحل بس مين يسمع ليك وللى ذيك الكل دلوقتى بيتكلم وماحدش بيسمع حد