تعظيم سلام
تعظيم سلام : وتحيه عسكريه لكل مصرى ومصريه ،، راح الانتخابات من الفجريه،، لما حس ان صوته أصبح له لازمه وأهميه
تعظيم سلام : للجده اللى راحه راكبه كُرسيها ومعاها عصايتها زى البندقيه،، بتقول لكل هاوِ وكل حا وى أنا أهه أنا عينى قويه
تعظيم سلام : للجد اللى رايح وسنين عمره مرسومه على وشه،، بتشهد وتقول صحيح عانيت وضحيت ،، لكن كله فدا الغاليه مصر يهون،، وانا رأى حقوله لأنى حسيت ان صوتى بقاله أهميه
تعظيم سلام : للجدع الشاب اللى رايح يقول أنا ايدى قويه ،، حقف من الفجر لحد المغربيه ،، ومش حيقدر حد يزحزحنى من هِنا لأن لىَ يد فى مصر الجديدة الأبيه
تعظيم سلام : للشابه اللى واخده عيالها الصغيرين ،، تعلمهم يكون لهم دور فى بُنا مصر والسلطه التشريعيه ،، لما يشوفوها طالعه وواقفه ومصممه على ُدورها ،، حتى ولو تدُق على باب اللجنه ،، ولازم يفتحولها لأنها بتدق بعزم وتصميم واراده قويه
تعظيم سلام : ليكم يامصريين ياللى نسيتوا البير اللى كانوا عايزين يوقعوكوا فيه ويقولوا فتنه طائفيه
تعظيم سلام : لرئيس حزب قالولى ان له مرجعيه دينيه ،،لما يرد على الابراشى ،،ويقول ياناس ياهايفه ياللى بتسألوا عن شواطئ وتماثيل ،، وسايحه ماشيه بمايوة ،، اسألوا الأ ول عن ناس تشتغل وعجله دايره تنتج ولقمه حلوه هنيه مغموسه بالحريه
تعظيم سلام : لفن جاد اتوجد بعد الثوره وسمعنا أغانى حلوه مصريه ،، ومعاهم شابه حلوه متحجبه ومِستحيه ،،مش رقاصه ومتعريه،،وصوت وأداء وكلمه حلوه مِستوفيه
تعظيم سلام : يامصر ياحلوه يا أصيله ياعفيه ،،لمْا تقومى فرحانه بولادك تسرحى شُعورك وتُشطفى وشك بمية نيلك الصُبحيه ،، وتقولى شايفين ولادى اللى قاموا ينصرونى ،،خايفين عليه بصحيح وكلهم حِنيه
تعظيم سلام وتحيه عسكريه ،،ليكى يامصر ياعايشه فى قلوبنا وجوه عروقنا وألف تحيه
مصر أشرقت
Amal abdalla
مصر أشرقت
انتخابات مجلس النوب
تعظيم سلام
اضيف بتاريخ: Saturday, December 3rd, 2011 في 06:50
كلمات جريدة احداث: احداث, انتخابات, مجلس الشعب, مصر, مصر اشرقت, مصرية
تعظيم سلام لكل من قال كلمه وفيها حبه لـبلده يبان
تـعـظـيـم سـلااااااااااااااااااام .