بين احمد شفيق و محمد مرسي

فيه أكتر من تسعة مليون بشوية قالوا لا للإخوان وللفلول خليك فاكر مصر جميلة.
وحين نختار الآن علينا أن نختار بين توفيق عكاشة أو صفوت حجازي لوزارة الثقافة وبين عزة الجرف وحياة الدرديري لوزارة الشئون الاجتماعية وبين عمرو مصطفي وطارق الزمر كمتحدث رسمي عن الرئيس.
الكلام المتداول عن اختيار الشعب للشفيق وبه كلمات وقحة أشك أنه شعر لأحمد فؤاد نجم ماتفرحوش بيه قوي وتقعدوا تنشروه المسألة مش فش غل وخلاص خلينا نهدي وندرس ونفكر في أخطاءنا ونستفيد منها بدل ما تشتم الشعب اللي مالوش أي ذنب والمفروض احنا منه.
البعض من مؤيدي أبوالفتوح ندموا واعتذروا عن عدم مساندة واختيار حمدين أنا أيضا أعتذر لكل اللي قاطعوا المهزلة من أولها ياريتني قاطعت ومع ذلك أنا لسه فخورة بتأييدي لحمدين لكن من حقي أنزل من العربية وأرفض اللعبة كلها وأقاطع مادام فيه ناس بتغش أما بقي أوهام التوافق مع الإخوان ودعمهم فدي ماتلزمنيش بصراحة
مش شايفة أي معني للمعركة العبيطة المفتعلة بين أنصار مرسي وشفيق ولا للمبادرات وأخذ تعهدات من الطرفين قولوا متشائمة عديمة أي كلام فاضي مايهمنيش الحل هو المقاطعة وإبطال الصوت ونزع الشرعية عن هذه المهزلة
كما يستفزك أنصار احمد شفيق بأنها الفرصة الوحيدة للدولة المدنية يجعلك الإخوان تشد شعرك وهم يروجون لمحمد مرسي علي أنه حامي حما الثورة أوف بجد حاجة تقرف من دول ودول وفي ناس واخداها معركة بجد أهدوا بقي كلكم ده الماتش متباع من بدري.

اقرأ ايضاً صفحات رأي متعلقة على جريدة احداث اليوم:

• السلفيون لا يثقون بمحمد مرسي مرشح الاخوان
• انا اختار احمد شفيق رئيسا لمصر
• صوتي لشفيق بسبب تصريحات محمد مرسي
• نعم للفريق احمد شفيق ولا للاخوان ومرشحهم
• يحيا الاخوان المسلمين