yoossff

احداث سوريا

رسالة الى بشار الاسد

انا في قناعاتي انه لايوجد احد يحب سوريا كما احبها وكوني عشت الغربة طويلا متنقلا من بلد الي بلد وكوني عشت في بلد لم نعرف فيه الطائفية يوم من الايام وانت تعرف ان في مدينة حلب يوجد كل الديانات السماوية وغير سماوية والمعترف بها والغير معترف بها ورغم ذالك السمعة الى لبنان انه بلد الحرية ونحن الذين نعيشها ولماذا لانه مسموح اكلام مسموح ان تكون انسان فهل يوجد احد غيرك في المسئولين يعرفون انه يوجد بشر في سوريا لااظن لانه لو انهم يرغبون في الحفاظ على سوريا وعليك لكانو دلوك على الطريق ان تهت وانت للاسف تعرف انا شو قلت في نفسي خليه يدين 10 مليار ويعطيها للناس المهم انا لا تخرب البلد صديقك من صدقك وانت لديك مجسل شغب مو مجلس شعب لانه لو كانو يحترمونك ويحترمون الناس والي حصل في سوريا ما فعلوا ما فعلوا بس هاؤلا منافقين وانت تعرفهم مثل ما نعرفهم نحن في سوريا ولذالك اتمنا ان تصلك هذا الرسالة من محب الي بلدك وبلدنا سوريا واذا وصلت اتمنا ان تقرها جيدا لكي نحل مشكال بلدنا مطلوب ما يلي سجل عندك اذا في ورقة وقلم لانني لن اطلب من ما يقال في الاعلام فانا وانت نعرف شو سبب خرب سوريا وهو مايلي

1- مجلس شعب محترم يحترم نفسه وشعبه ورئيسه واتوقع انك لم تكن سعيد بما ريت منهم بل انا اتوقع ان كا لديك كلام غير الكلام الذي قلته وبسببهم
لم تقله

2- القضاء على الرشوة والفساد ربطة الخبز اذا ما كنت تعرف بدون رشوة او واسطة صعب تحصل عليه

3- فروع امن وسطلة تحترم الانسان وتعامله وكانه انسان ونحن اذا لم نكن بشر فمن تحكم انت وغيرك

4- قضاء نزيه حتى لو دفع للقاضي مليار لا يعفي عن القاتل ويبري المذنب

5- الفاسدين لدينا اكثر من الكثر تعرف ليش لانه لم يجدو احد يحاسبهم

6- خيرات البلد لازم توزع على البلد انا من الناس البسطين والذين يعملون وغيرهم يجني الارباح

7- ضرائب السيارت واسعارها التي تباع اغلى من اي بلد في العلم وهل مطلو منا ان نبقى متخلفين

8- نظافة البلد يوجد سيات خاصة في النظافة الا في بلدنا كل محافظة فيها 10سيارت يتم غسل الشورع كل شهر مرة والناس عندهم عيد يوم غسل الشوراع

9- العقارات التى تباع وتنشري وهي في الهواء لاوجود لها وقيمة البيت الي وزعته الدولة 800 الف صار 8000000 ليش مافي دولة وين المسولين عن هذا

10 – ليش السماح الي كل من يدفع ببناء مصنع او اي كارثة في المكان الى يحدده هو اذا كان زراعي او سكن وطز بالي يحكي

واخير وليس اخرا اذا بقيت اعد الع الالف لن تخلص الامور والمشاكل بس اقول لك بصدق

لايهم من يكون رئيس سوريا انت ام غيرك المهم ان يكون يعرف ماذا يحصل في بلدها ومهما صار مليارت عن المسؤلين لن تفيدهم

بس اتمنا وارجو ان تكون صادقا في حل مشاكل الناس لان الناس تعبانة اكثر مما تتوقع وليس كل الحلول مال ورواتب لدينا بلد جميل وحلو لماذا لانجعله احلا واجمل لماذ شوية حرمية ونصابين نتكهم يتحكمون في مصير الناس انا لدي امل كبير بك واتمنا ان لاتخرب هذه البلد وان تبقى عامرة والي الابد

اقرأ ايضاً صفحات رأي متعلقة على جريدة احداث اليوم:

اضيف بتاريخ: Thursday, April 7th, 2011 في 05:14

كلمات جريدة احداث: , , , , ,

16 رد to “رسالة الى بشار الاسد”

  1. سوري غيور
    07/05/2011 at 23:34

    أخي يوسف السلام عليك ورحمة الله وبركاته
    انت عمتحكي من قلبك
    وأنا معك قلباً وقالباً
    واذا حكيت هيك مو معناتا انك ضد ضد بشار الأسد
    انت تكلمت بكل احترام
    وهنن اتهموك بإنك مو سوري طيب وين المشكلة
    لكن أنا لمتك بشغلة وحدة
    كيف بتنزل لمستوى هالحثالة من الناس وبترد عليهن
    في متل بيقول إذا **** عوا عليك لاتعوي انت عليه
    طبعا حاشاك
    بعدين لاحظ معي انو كل يلي عاملين حالهن عميدافعوا عن بشار – طبعاً كلن منافقين –
    مانهن محترمين ومو شاطرين إلا بالسباب و قلةالإحترام …..
    وبحب وجه كلمة لهادا يلي داخل باسم (مسيحية سوريا) وللأسف رح اضطر إنزل لمستواه
    لأن كلامو ما بينسكت عنو:
    انت واحد ماتك محترم وما بيشرفنا أبداً تكون سوري
    طبعا أكيد انت عمتتكلم باسمك وباسم عائلتك مو باسم مسيحية سوريا
    أنا بعرف مسيحية سوريا أديش محترمين و عن تجربة
    وهنن أصلا ما بيسمحوا لواحد نشاز متلك يتكلم بإسمهن
    وبكلامك الأخير عن الشعب وتحديداً النص التالي:
    ((قبل ما تقول الشعب يريد .. انا رح قلك الشعب شو بيريد …..الشعب بيريد تحطوا صرماية بتمكون و تخرسوا
    والله هالشعب متل اللغم بس انشالت الاجر من على رقبتو بينفجر و ما بيلبقلكون غير العصاية و العصا لمن عصا….))
    رح قلك:
    لهالدرجة انت*************** حتى تتكلم عن الشعب بهالطريقة ولك كل قطرة دم عمتسيل بشوارع سوريا كافية لتطهيرك من **********
    وأنا باسم مسيحية سوريا رح قلك (سودت وجهنا الله يسود وجهك)
    ولا سلام عليك ولا رحمة الله ولا البركات

  2. ابو حمزه
    13/04/2011 at 11:43

    ايها الموطن الغيور ارجوا ان لاتعلمنا الوطنيه فنحن اهل الوطنيه ولااسمح لك ولا لغيرك بالتطاول على السيد الرئيس الاصلاح لايكون بالخراب وقتل العباد وايقاض الفتنه الاصلاح يحتاج الى هدوء وليس الى سرعه في اتخاذ القرارت نحن مع الاصلاح ولكن ليس بهذه الطريقه وبتمنى تشرحوا لنا شو هي الحريه الي عما تطالبوا بها وهل نحن يلبق لنا الحريه شفنا شو صار لانو نحنا مابنحب القانون ولا بنحب الحياه بنظام بنحب كلشي بالمقلوب يعني اساس العطل فينا
    فليش بنرمي المسؤوليه دائما على الدوله وعلى القياده انا عشت بالغربه وراسي مرفوع لاني سوري ومن بلد الاسود بس انته يمكن مالك من هلبلد ولابتعرف الكرامه الي عطانا اليها الاسد
    نحنا لما بنقول انو نحنا من بلد الاسد العالم بوقف باستعداد

  3. yoossff
    12/04/2011 at 23:44

    كان زم ارد بعد هذا الكلام الجميل والنظيف والمنطقي واول واحد فينا بسوريا كلها يحكي الصح 1005 % تعرفي ليش يامسلمة ولستي مسحية لانه بسورية لا احد يفرق بين فلان وفلان بس العيوب الي حططيها بالناس كلها من وجر شو سببها ومن ترهكا تصل الى هذه المواصيل ومن خلا الموظف لايدوام غير 35 دقية ومن خلى الجندي يفيش ومن علم الشرطي الرشوة ومن سمح للناس ببيع صوتها وممن ومن فعل كل هذه الافعال اكيد الناس واناس منين من سوريا وسوريا فيها دولة والدولة لاتحساب واحد فاسد حتى ينتاك الف مرة غيره قبل ما يفكر ويفعل مثل رفيقه المشكلة اننا مصممين ان لانسمع ولا نرى ولا نتكلم ونحن الخونة ونحن الذين عملنا كل شي في البلد والدولة كانت تحاول المستحيل ان تجعلنا نظيفين بس ننح لم نقبل لاننا ناس وسخة هيك بدك وهذا رايك بالناس كلها

    شو بدك اقول لك غير انه معك حق نحن الخونة لانني قلت ما قلتيه انتي بس انا طلبت انو الله يدوم الامن والامان على سوريا وشعبها وانتي ديري بالك تتحركي حتى لاينفجر اللغم فيك انتي لوحدك لان الناس بخير وستبقى بخير حتى لو فجرتي مائة مليون لغم لانها الغام هوائية

  4. مسيحية سوريا
    12/04/2011 at 11:08

    عزيزي المتظاهر :
    قبل ما تقول محاربة الفساد شوف مين عامل الفساد غير ابوك و خالك و عمك و جارك و ابقى بس يوقفك شرطي المرور وانت عم تحكي مع صاحبتك لا تحط بأيدو المعلوم و ادفع المخالفة
    قبل ما تقول حرية علم ولادك عالحرية و فرجيني شو رح يساوو فيك
    قبل…… ما تقول طوارئ روح شوف اميركا الساعة 4 العصر ما بيسترجي اخو اختو ينزل عالشارع
    قبل ما تقول زيادة رواتب شوف حالك اديش عم تشتغل بالنهار اكيد مو اكتر من 35 دقيقة
    قبل ما تقول تعليم غير مختلط روح انقلع ع افغانسستان
    قبل ما تطالب بتحرير الجولان روح اخدم عسكرية و حاج تدور عطرق تتهرب و تفيش
    قبل ما تشتكي من الراتب في شي اسمو تحديد نسل حاجة تبظ ولاد و تقول بدي شربون و طعميون
    قبل ما تشتكي من البطالة روح ادرس و تزكر العلم عنا ببلاش أو تعلم شي صنعة لأنو مانا بسويسرا مشان نعطي رواتب للعاطلين
    osقبل ما تقول افراج عن معتقلين سياسيين روح شوف هال ولاد الحرام جواسيس لمين
    قبل ما تقول حرية الرأي تعلم تفك الحرف و استقر على رأي واحد
    قبل ما تنقد القيادات و تصيرلي فهمان و هاد المحافظ عاجبك و هاد لأ تعلم تقبل نقد العالم لانك لو حطيناك محافظ رح تنهب و تبلع و ما رح تعمل شي للبلد
    قبل ما تطلب تغيير قوانين و تحديث و تطوير خلي البنت عندك تتعلم و تقول رأيا
    قبل ما تقول الشغل دائر و الحالة الاقتصادية زفت انقبر قوم فتاح بكير و بيكفي تتفرج عالديش
    قبل ما تقول هلكونا الضرايب شوف حالك اديه عم تنصب و تربح و تزور و ما حدا عم يحاسبك
    قبل ما تقول نظام روح لشي محل و انقبر وقف بالدور او استنى ختيار يقطع الاشارة بدون ما تتحيون و تزمر
    قبل ما تقول حضارة و تطوير لا تبصق بالشارع لانو هاي ارض الوطن و انشالله بيبزقوا عليك الشعب كلو
    قبل ما تقول النا مطالب لا تاكل هوا و تبيع صوتك بالانتخابات و تنتخب هالكم نصاب و الكم مجرم كرمال كم ليرة .. و انتخب حدا يوصل صوتك بطريقة حضارية
    قبل ما تنقلع تساوي حالك رايح تصلي تزكر شو عملت طول الاسبوع بتكزب و بتنصب و بالو بتستنا الجمعة لتنقلع تصلي … الله ما رح يغفرلك ازا طلعت تعوي مع هالكم كلب

    قبل ما تقول الشعب يريد .. انا رح قلك الشعب شو بيريد …..الشعب بيريد تحطوا صرماية بتمكون و تخرسوا

    والله هالشعب متل اللغم بس انشالت الاجر من على رقبتو بينفجر و ما بيلبقلكون غير العصاية و العصا لمن عصا….

  5. yoossff
    12/04/2011 at 01:36

    اولا وعليكم السلام رغم انو نهاية كلامك دكتور ناصر غير السلام
    ثانيا بلدي ووطنى وكل من في سوريا اهلي ان اقتعنت ام لا
    ثالثا انا لم احدد خارطة طريق يهودية انا تكلمت عما اعرفه وعشته في بلدي

    المشكلة تعرف وين انهو اذا تكلمنا اصبحنا خانينن الي بلدنا واذا سكتنا اصبحنا عبيد قلت من بداية كلام الله يبعد الدمار والخراب عنا وعنا اهلنا في سوريا وعن كل واحد شريف اولهم انت لانك غيور على بلدك حتى لو اختلفنا في الارى هذا لايجعلك عندي غير انسان يرى الصوره بعيونه هو وموزع العقول الله

    ومن القلب الله يرحم كل شهيد والله لا يجعلنا نندم في يوم على مجرد اننا لم نتكلم في يوم من الايام

    واختم انني انسان بسيط يريد الاصلاح من داخل سورية وليس كوني قلت انني اعيش في خارج البلاد هذا يعني اطلب اي شي غير ان نسعا كلنا وبكل سلام وهدوء ودون خراب للبلاد ان نحاول ونحاول ان نغير شي في بلدنا

  6. ابن سوريا
    11/04/2011 at 19:37

    الى كل الشعب السوري هل عقمت ارحم النساء ان تلد رجال قادة غير بيت الاسد والله والله والله ان كل من يقول ان حكم الاسد جيد فهو كاذب ويخون دينه و يخون ربه و عقيدته *** ولاكن اخواني الحل بيدنا نحن الحل هو ان نصلح مابداخلنا وان نتصالح مع خلقنا *** وكما قال رسول الله صلى الله عليه وسلم *** كما تكونوا يولى عليكم

  7. الدكتور نصر نادر
    10/04/2011 at 14:01

    .
    أبدأ بالسلام عليكم, وعلى كل عربي شريف, و أقول لكم أخي العربي, ان هذا الذي كتب الرد ويكتب الان هو مواطن يحب أن يكون بلده عزيزا شامخا,وليس مستعمرا عقليا و فكريا… ان هذا الذي يكتب ,يكتب ما أملاه عليه ضميره الذي تربى عليه في وطن قدم ويقدم الشهداء و التضحيات المستمرة , وتحمل وسيتحمل كل أنواع الحصار و المؤامرات التي تنوي تحطيم اركانه… هذا الوطن الذي يفتح ذراعيه دائما لآشقائه العرب في الاحزان و الافراح, الوطن الذي مازال صامدا شامخا لا يذل ولا يذل… الذي لم ولن يركع لآي اسلوب استعماري, ولو كان شعاره كلمة جميلة, ولكننا نعلم جيدا بأن المراد غير ذلك… هذا واحد ممن أبقى للعروبة معنى… و أقول أخيرا كلنا يريد الاصلاح , ولكن باسلوبنا الداخلي السوري, ودون املاءات من أحد… ولقد أخطأت أخي الكريم بالادعاء متخفيا بأنك مواطن سوري, ورسمت لنا خطة الاصلاح… بكل الاحوال نتمنى لك النجاح في اصلاح بلادك أخي العزيز, وكن على ثقة بأنها من القلب

  8. حسن سوريا
    09/04/2011 at 13:14

    الله سوريا بشار وبس احلى تحية خاصة لطبيب العيون في سوريا نحن معك للموت وضد كلاب امريكا واسرائيل وضد كل العملاء يلي عم يبيعو عرضن ب المصاري متل كانو عم يبيع عرض اختو

  9. yoossff
    09/04/2011 at 03:13

    a,شوبدك ارد عليكي والمشكلة انني احترم راي كل انسان في هذه الدنيا وعم اطلب انو نعامل كبشر وحين الانسان يصل به العقل ان يقنع نفسه بانه منطقي وواقعي وهو لايراى شي فهي المشكلة يعني انتي عم تثبتي لنفسك انتفكيرك غلط وانت تقولين انه الوحيد فماذا يفعل لوحده ومن معه وهل اصلاح البلد وهو موجود مشكلة المشكلة انكم لم تقروا الرسالة صح انا مع التغير بس التغير كاملا ولزم عندما نبدا في التغير نبدا من الشباب اين هم في كل بلاد العلم يبحثون عن عمل ومهمشين وليس عندنا في مجلس الشعب واحد منهم والمشكلة الاكبر في الامتيازات الجبارة الى عندنا واهما المشافي وين انتي تقيمن في اي محافظة واسالي اي واحد شو رايه واذا كنتي مفكرة انني مع خرب البلد فانتي غلطان جدا جدا انا عندي افضل ان يحكم الف عام على ان تخرب سوريا شهر واحد الناس عندنا بسطاء كرما واهل عزل والذل لايليق بهم واتمنا من الله ان لايريهم يوم ذل ولكن ليس علينا ان نصبر سنين وسنين حتى نبدا الاصلاح وليس في داعي ان نمل غيرنا انا اطلب ثورة سلمية ليس فيها لاقتل ولا ضرب ولا شجار ولا سلاح وان يكون عندي الحق ان افعل ما اريد ولهذا مجرد ما اي واحد فينا تكلم باي راي صار غير سوري على فكرة هل السوري منافق برايك ان يمدح وبس ولايرا ولايسمع ولا يتكلم يااختى المحترمة انا يسعدنى ان ان تكون في سوريا ناس مثلك وعندهم قناعة بريهم ولكم المطلوب ان نسمع الاخرين وليس نفسنا فقط ولا اصبحنا كلنا رؤؤسا كما قال جمال عبد الناصر كل بلد فيها ريس واحد الا سوريا فيه 5.500.000 ريس وهذا كان عدد سكان سوريا سابقا وانا لست من ذالك الجيل ولكن احب ان افهم وان اراي واتمنا ان نستوعب الكلام وان نفهمو جيدا قبل ان نكلم وشكرا الى اهتمامك بالرد واسف لاننى تاخرت عليك

  10. ahmad
    09/04/2011 at 01:37

    hahahaahah mafi rd b3den hdol yli matu hdol ent7ru almkhabrat malon 3la8a

  11. سارةالسورية
    08/04/2011 at 13:29

    شو اخي يوسف مطول حتى ترد ولا لقيت حالك مدان وكلامي مظبوط

  12. سارةالسورية
    08/04/2011 at 13:24

    بعدين يا اخ يوسف بما انك عايش برا البلد فلازم تعرف قيمة نعمة الامان اللي موفرا السيد الرئيس انا كنت برا البلد وشفت الفرق مو بس بهالنقطة كمان وين في عندك مشافي مجانية ولقاحات مجانية ومدارس مجانية آه؟؟؟؟؟؟؟؟؟؟؟ظ؟ظ

  13. سارةالسورية
    08/04/2011 at 13:20

    يا اخي يوسف انت مو سوري ولا بتقرب السوريين بشي ابدا انت واحد عندك وجهة نظر خاطئة فبشار حافظ اسد الله يديم عزو ويحميه اكتر رئيس مطالب بالاصلاح والتغيير وهوي الوحيد العم ينادي بالحرية بكافة اشكالا وهوي لمن عم يقول بدو دماء جديدة يعني شباب ويكون همن الاول والاخير البلد مو متل هدوك السابقين اللي قاعدين النهب وعقولن صارت واقفة عن العمل ورح يضل السوريين اوفياء ومخلصين للقلئد ورح يضلو ينادو الله سورية بشار وبس والله يديم عزو للاسد ويفني الخونة والمندسين اللي ما بيخافو الله مع احترامي الكامل لحضرتك اخي يوسف بتمنى تعيد النظر واذا كنت سوري تفكر متل السوريين

  14. مغترب سوري
    08/04/2011 at 12:57

    فعلا الذين يقولون البلد بخير منافقين لانه فيه هالمنافقين الكذابيين الذبن ينقلون صوره المزيفة وليست الحقيقيه واذا استمرو في ذلك زادوا خراب البلد

  15. yoossff
    07/04/2011 at 23:03

    lk انا لست سوري ومنافق ومرتشي كل عيوب الدينا اصبحت بي من وجهة نظرك ليش هل طلبت اعدامه او استقالته او شو طلبت لانني عم احكي مع نفسي واذا كنت انت سوري لماذا اسلوب الشتم والغلط لانني اختلفت معك في الراى لانني احلم ببلد اكثر من الرائع هل عمار بلدنا يزعجك الى هذه الدرجة واذا امكن انت تذكر خطابه جيدا شو قال نريد دماء جديدة وليست دماء اصبحت الله الساتر انتبه لهم نصهم في مجلس الشعب لايستطعون ان يقفو على ارجلهم وعلى جميع الاحوال شكرا لك والى ردك

  16. سورية وأفتخر
    07/04/2011 at 21:29

    على فكرة أنت ياسيدي الكاذب لست سوريا
    وأنت واحد من صغار الفتنة الذين لن يسمع أحد رايهم لا الآن ولا لاحقا
    لو كنت سوريا صادقا لكنت أيقنت أن ازدهار و عز سوريا هو بشار الأسد
    وأن دمار سوريا هو زوال بشار الأسد
    إصلاح البلد يحتاج إلى إيمان كبير بصدق الرئيس وبعزمه على الإصلاح
    ولا يحتاج أمثالك لتقول أن أحدا آخر بإمكانه قيادة سوريا
    باختصار
    سوريا الله حاميها منك ومن أمثالك
    وبشار الأسد راعيها وسيبقى رغما عنك وعن أمثالك
    فلا تضيع وقتك الفارغ بإرسال مثل هذه الرسائل
    فأنت آخر شخص سنسمع رأيه نحن السوريون الصادقون

اترك تعليقاًً على هذا الرأي