حاتم منصور

اخر احداث

نيوتن وداورين ورموز منطقتنا المتخلفة

بمناسبة الاسبوع الثرى دة، اللى بيجمع بين عيد ميلاد داروين، وذكرى “حسن البنا” و”ابراهيم الفقى”، مفيش حد بيسأل نفسه لية أمثال “داروين” و”نيوتن” بيحتفل بتواريخ ميلادهم العالم كله، ولية أمثال “حسن البنا” و”ابراهيم الفقى” بيحتفل بيهم سكان منطقتنا المتخلفة فقط !؟

الاجابة سهلة وبتلخص كل حاجة والله. لان “داروين” قدم للعالم أفكار عليها اثبات مادى، لم ينجح أى شخص فى العالم فى هدمها باثبات مادى مماثل، على مدار ما يقرب من 200 سنة. وكل يوم ومع كل اكتشاف جديد فى العلوم الطبية، بتزداد البراهين على أفكاره ونظريته. الانتخاب الطبيعى بيتدرس فى العالم المتقدم النهاردة لانه “صحيح” … مش لانه كلام مريح وبيعجب الناس نفسياً ! … بيتدرس فى الخمس قارات، ولكل الأديان والأعراق والثقافات … بيتدرس لان “التطور والانتخاب الطبيعى” بقى أساس بيولوجى، بنصنع على أساسه الأدوية والأمصال من عقود، والنتايج كانت فعالة.

طب لية دة مش بيحصل مع “حسن البنا” و”ابراهيم الفقى” ؟
لانهم قدموا شوية خزعبلات للاستهلاك العاطفى المحلى، زيها زى خزعبلات ساحر القبائل الافريقية اللى بترقص حولين حلقة نار، اللى بيعلق عضمة فى رقبته ! … والحمد لله كل شعب عنده خزعبلاته ومش محتاج يستورد !

بدون انجاز داروين، كانت هتبقى معارفنا فى الطب النهاردة فى مرحلة ما أقل مما هى عليها، ويمكن كنت هتموت وانت طفل مع أول دور برد ! … وبدون انجاز “نيوتن” كانت معارفنا فى الفيزياء هتبقى النهاردة فى مرحلة ما أقل مما هى عليها، وغالباً مكنش هيبقى فيه الانترنت ولا الجهاز اللى بتقرا كلامى عليه الوقت … بدون انجازات “حسن البنا” فى منطقتنا، كان هيبقى العالم أحسن وأقل تعصب وعنصرية ! … وبدون انجازات “ابراهيم الفقى” فى مصر، كان هيبقى شوية الصيع، اللى بياخدوا كورس 4 ساعات، ويشتغلوا بعده (مدربين تنمية بشرية) بيدوروا على شغل حقيقى !

اقرأ ايضاً صفحات رأي متعلقة على جريدة احداث اليوم:

اضيف بتاريخ: Thursday, February 13th, 2014 في 04:22

كلمات جريدة احداث: , ,

3 رد to “نيوتن وداورين ورموز منطقتنا المتخلفة”

  1. ﺷﺒﺎﺏ ﺍﻟﻤﺴﺘﻘﺒﻞ
    24/04/2014 at 22:44

    ﺭﺑﻤﺎ ﻟﻴﺲ ﺍﻷﻫﻢ ﺗﺎﺭﻳﺦ ﺍﻟﻤﻴﻼﺩ ﺑﻞ ﻣﺎ ﻳﺘﺮﻙ ﻣﻦ ﺃﺛﺮ ﻓﻯ ﻧﻔﻮﺱ ﺍﻟﺨﻼﺋﻖ :

    ﺇﻧﻤﺎ ﺍﻷﻣﻢ ﺍﻷﺧﻼﻕ ﻣﺎ ﺑﻘﻴﺖ ﻓﺈﻥ ﻫﻢ ﺫﻫﺒﺖ ﺃﺧﻼﻗﻬﻢ ﺫﻫﺒﻮﺍ

    ﻛﻤﺎ ﺃﻥ ﻛﻞ ﻣﺎ ﺃﺑﺪﻋﻮﻩ ﻣﻦ ﻋﻠﻢ ﺃﺳﺎﺳﻪ ﻧﺎﺑﻊ ﻣﻦ ﺍﻟﻌﺮﺏ ﻣﺜﻞ ﺍﻟﻌﺎﻟﻢ ﺍﺑﻦ ﺳﻴﻨﺎ ﻭﺍﻟﺤﺴﻦ ﺍﺑﻦ ﺍﻟﻬﻴﺜﻢ ﻭ ﻣﺼﻄﻔﻰ ﻣﺸﺮﻓﺔ ﻭﻏﻴﺮﻫﻢ ﺍﻟﻜﺜﻴﺮ ﻭ ﻧﺤﻦ ﻻﻧﺤﺘﻔﻞ ﺑﻬﻢ ﻷﻧﻬﻢ ﺩﺍﺋﻤﺎ ﻓﻰ ﺍﻟﻘﻠﺐ ﻟﻜﻦ ﺍﻟﻤﺘﺨﻠﻔﻴﻦ ﺃﻣﺜﺎﻟﻚ ﺍﻟﻌﺒﻴﺪ ﺍﻟﺘﺎﺑﻌﻴﻦ ﻟﻠﻐﺮﺏ ﻻ ﻳﺤﻔﻠﻮﻥ ﺳﻮﻯ ﺑﺎﻟﻤﺎﻝ ﻓﻴﻤﺠﺪﻭﻥ ﻓﻰ ﺍﻟﻐﺮﺑﻰ ﺍﻟﺬﻯ ﺗﺄﻛﻠﻪ ﺍﻟﻨﺎﺭ ﺍﻵﻥ ﻭ ﻭ ﺍﻟﻠﻪ ﻟﻴﺄﺗﻴﻦ ﺍﻟﻴﻮﻡ ﺍﻟﺬﻯ ﻧﻄﻬﺮ ﺍﻷﺭﺽ ﻓﻴﻪ ﻣﻨﻜﻢ ﺟﻤﻴﻌﺎ ﻭﻳﻌﻮﺩ ﺍﻟﻌﺮﺑﻰ ﻳﺮﻓﻊ ﺍﻟﺮﺃﺱ ﻋﺎﻟﻴﺎ ﻭﻳﻔﺨﺮ ﺑﺘﺮﺍﺙ ﺃﻣﺘﻪ ﻭﻋﻠﻤﻬﺎ ﺍﻵﺕ ﻻ ﻣﺤﺎﻟﺔ ﺑﻌﺪ ﺃﻥ ﺟﺮﻑ ﺗﻴﺎﺭ ﺍﻟﻤﺎﺩﻳﺔ ﺍﻟﻌﺎﺭﻡ ﺑﻌﺾ ﺿﻌﺎﻑ ﺍﻟﻨﻔﻮﺱ ﻣﺜﻠﻚ ﺃﻧﺖ ﻭ ﻗﺮﻧﺎﺋﻚ

  2. hanan ahmed
    19/03/2014 at 15:00

    امثالك من الصحفيين المتخلفين والمنافقين هم سبب تخلف الامه

  3. بهاء الدين
    15/03/2014 at 03:01

    داروين كل يوم العالم بيكتشف مصداقية نظريته (حسبى الله ونعم الوكيل )فى اللى كاتب الكلام الفاضى ده واقل وصف ليه انى هو (جاهل وعديم المعرفة)

اترك تعليقاًً على هذا الرأي