سوسن جاد

احداث مصر

المصريين المغتربين القشة الاخيرة لحماية الاقتصاد

بعد ما أهلنا وناسنا قرروا أن المصريين المغتربين مش مصريين كفاية وأحيانا يحبوا يسحبوا مننا الباسبور، نود التذكير بأن اللي برة هم مصدر الدخل القومي مش المفخدين اللي جوة، كل الفلوس جاية من برة: الإتاوة على كل اللي معدي في قناة السويس، السياح اللي بييجوا يشوفوا آثار ماحدش فينا بناها، والمغتربين في طابونة من طوابين العالم. لازم تكون واعي أن مساهمة الاقتصاد الداخلي ما هو إلا كوباية شاي ساعة عصرية.

لو مش هتحترموا حقوق مواطنة الآخرين، على الأقل احترموا أن المغتربين هم تقريباً القشة الأخيرة في حماية اقتصاد البلد من الانهيار. بمعنى آخر، احترم نفسك و بطل زينوفوبيا، بدل ما انت شحات ومشارط، بدل ما شوية المَم اللي فاضل ماتلتقيهوش كمان.

اقرأ ايضاً صفحات رأي متعلقة على جريدة احداث اليوم:

اضيف بتاريخ: Monday, January 27th, 2014 في 10:35

كلمات جريدة احداث: , ,

2 رد to “المصريين المغتربين القشة الاخيرة لحماية الاقتصاد”

  1. sameh
    29/01/2014 at 17:32

    انا سامع حد بيقول ثروات وموارد اه ماشى فيه ثروات وموارد بس هى فين اقولك انا فين دى للحراميه وبس انما احنا ناقص يبيعونا هدومنا شكلكوا مش عايشين فى البلد ولا شايفين اللى فيها والله ما فى حد شايف الذل والمرار الإ احنا الله ينتقم من الظالم

  2. kareem
    27/01/2014 at 12:42

    الى كاتبة هذه المداخلة

    كان يمكنك ياسيدتي اختيار كلمات أكثر مناسبة وأدبا مما كتبته أعلاه .. فهذا كلام لا يليق برجال فما بالك بأمرأة تكتب ” مفخدين ، شحاتين .. الخ .. الشعب المصري يملك كل ثروات الدنيا المتنوعة ولكنه حتى الان ليس له فيها ناقة ولا جمل .. مطلوب بدلا عن الاعتماد على المغتربين والمتبرعين وغيرهم أن ندير موارد مصر المتنوعة بأعلى درجات الكفاءة والحرفية تحت مظلة حب مصر .

اترك تعليقاًً على هذا الرأي