سوسن جاد

احداث مصر

التصويت بلا على الدستور حفاظا على تحالف 30 يونيو

لن أتحدث عن دستور لجنة الخمسين عشان مش بأحب أتكلم عن الحاجات المهزأة، بس بصراحة اللي يهمني في كل دا هو تحالف ٣٠ يونيو.

تحالف ٣٠ يونيو -اللي فيه ناس مش طايقين بعض خالص- اتحد من البداية بسبب استشعار حجم الخطر لما الإسلام السياسي خطف البلد في توكتوك وطلع يجري بينا.

وكان فيه اتفاق ضمني أننا اتعورنا كلنا بما يكفي أننا نتفق في المستقبل على سيادة قانون عادل يحمينا جميعاً (وفهمنا ان القانون اللي بيستعبط بيتولد منه جهاديين عادي).

مش مهتمة أنت هتصوت بإيه، بس لازم تكسر متلازمة التصويت بنعم عشان الاستقرار دي.
بنظرة سريعة ع اللي ممكن يعمله هذا الدستور، قد يكون التصويت بلا هو الحافظ الوحيد للحفاظ على تحالف ٣٠ يونيو وأنك تديهم إنذار للمحاولة مرة ثانية في عمل دستور محترم كمحاولة أخيرة قبل سقوط الدولة في الترعة.

صوت بنعم بس لو مقتنع بالمراجيح اللي مكتوبة.

اقرأ ايضاً صفحات رأي متعلقة على جريدة احداث اليوم:

اضيف بتاريخ: Sunday, December 8th, 2013 في 04:05

كلمات جريدة احداث: , ,

4 رد to “التصويت بلا على الدستور حفاظا على تحالف 30 يونيو”

  1. ali
    11/01/2014 at 17:56

    رداً على تعليق ندا اللى بتقول دستور باطل اقول لها لو كنتى تفهمى لما كنتى قلتى هذا الكلام يعنى دستور الاخوان الارهابيين هو الكويس هذا ان دل فيدل على انك لا تفهمى شىء ومن الظاهر ان فلوس الاخوان تخلى الانسان يبيع مبادءه واخلاقه وسواء صوتى بلا انت عبارة عن ذرة رمله من الرمال لا صوتك مفيد ولا مهم وياريت تغيرى الجذمة اللى داخل مخك وتحطى مكانه مخ كلب احتمال يكون عنده تفكير

  2. khaire
    19/12/2013 at 14:36

    اعمل محاسب بالسعودية واريد اشارك معكم فى التصويت على الدستور
    ارجو رابط موقع التصويت
    جزاكم الله خيرا

  3. ندا
    16/12/2013 at 09:47

    دوستوركم باطل ومش هنصوت عليه ولو صوتنا هنصوت بلا طبع يافلول

  4. نعم
    11/12/2013 at 09:41

    يا استاذه سوسن ارجو منكى لا تلفظى بى الفاظ مسئ او تهزئىمن اى حد عيب الحمد الله انا قرات الدستور وزوجى دارس قانون وساعدنى فى فهمه ونوعا ما موافقين عليه ماعدا حاجات بسيطه ماده او اتنين ومفبش مخلوق على وش الارض حيتفق عليه .ولكى كل الاحترام والتقدير

اترك تعليقاًً على هذا الرأي