لابد من موافقة أعضاء (تمرد) على كل خطوة !؟
==========================
سورى يعنى … كل واحد وقع على استمارة تمرد، كان معنى توقيعه سطر واحد فقط لا غير:
(تأييد انتخابات رئاسية جديدة مُبكرة).
أنا لما وقعت، مخترتش حركة (تمرد) كممثل سياسى ليا، و لا عملت لهم تفويض كشريك سياسى فى ادارة فترة انتقالية …. السطر دة كان كل اللى وقعت عليه … فمحدش يعيش دور الشاب الثورى النائب عن ملايين، اللى لازم يتاخد رأيه …. حركة تمرد خلقت حراك سياسى و حققت غرضها و هدفها مع أحداث 30 يونيو، و لقياداتها و أعضاءها كل احترام …. بس محاولة فرض وصاية باسم الناس و الشارع، مرفوضة من وجهة نظرى.
انا اول من ناصرت وجمعت توقيعات على استمارة تمرد فى محافظتى والشعب لم ينزل يوم 30 / 6 / 2013 لتوكيل حركة تمرد او اى من الاحزاب الكرتونية التى تسمى معارضةان يتكلم باسم الشعب الوحيد الذى يتكلم باسم الشعب اليوم هو الرئيس المؤقت عدلى منصور
وانت لسه فايق دلوقتى
كل واحد بيعمل حركة وتنجح بيقولوا عليه شباب الثورة اللى لازم الكبار ياخدوا رأيهم زى 6 ابريل وحركة تمرد اللى الورقة بتاعتها كانت تخلوا من اى توكيل من الشعب لها للتحدث باسمه.
دلوقتلى بيرفوضوا الاعلان الدستورى وعايزين يعدلوا فيه وبيقولوا ان محدش استشارهم قبل اصداره يعنى مش فاهم باى صفة يتم استشارتهم من سيادة رئيس الجمهورية المؤقت المستشار عدلى منصور.
حاجة تحرق الدم