اسلام خميس حسن

احداث مصر

اسباب حرق مقرات جماعة الاخوان

الناس اللى حزينة على الهجوم على مقرات الاخوان بالامس, لازم بس يعرفوا خلفية الموضوع وانا بتكلم على اسكندرية. الاخوان اشتبكوا مع المظاهرات اللى كانت فى القائد ابراهيم وحدفوهم بالطوب ولما كان الضغط جمد عليهم والضرب جمد راحوا استخبوا جوا جامع القائد ابراهيم وقعدوا يقرأوا قرآن فى ميكروفونات المسجد واحنا مش كفار عشان نروح نمسكهم من المسجد, فكان رد الفعل السريع ان المقر بتاع الامانة العامة للحرية والعدالة اللى فى مواجهة المسجد مباشرة قام الشباب باقتحامه و القاء محتوياته بالشارع وحرق المحتويات كان فى الشارع ومحدش حرق المقر خوفاً على سلامة ساكنى العمارة. ده رد فعل لقلة ادبهم وبعد ذلك توالى غضب المسيرة الحاشدة اللى كانت عشرات الاف فاتجهت لاقرب المقرات فى الابراهيمية يقوموا بعمل نفس مافعلوه مع المقر الاول. ملخص الحدوتة لو راجل اثبت مكانك ومتضربش وتجري وفى الاخر تعيط زى النسوان وتقولى حرقولى مقرى ولا رمولى حاجتى فى الشارع.
____

انا كنت امبارح موجود في المظاهرات والكلام دة فعلاً سليم 100%. المتظاهرين كانوا بيهتفوا بطريقة سلمية وفجاءة ضرب الطوب اشتغل من الدقنجية اللي واقفين قدام المسجد بتحريض من الشيخ المحلاوي وكسروا العربية اللي شايلة اجهزة الصوت بتاعة الشباب وتطورت الامور لمعركة بالطوب والحجارة اتكسرت فيها عربيتين ملاكي تابعة لناس في حزب الدستور واتصاب 6 شباب على الاقل بالحجارة في دماغهم (دة اللي انا شوفتهم بس).

اقرأ ايضاً صفحات رأي متعلقة على جريدة احداث اليوم:

اضيف بتاريخ: Saturday, November 24th, 2012 في 14:09

كلمات جريدة احداث: ,

اترك تعليقاًً على هذا الرأي