آسـف يـاريـس … أنا مش بأقـولها إعتـذارعـن حاجة وإتعملت , لكن بأقـولها إعتـراض لحاجات خلاص حصلت , من واجبى إنى أنصحك عـشان مكـونش شيـطان , مهـو لو يشوف الغلـط يفـرح كمان يسكــُت .
صِـديـق رسـولنا الحبيب قالها فى وسط القـوم , لـو يوم أصبت فى عمل بأطـلب ومنكـوا العـون , ولـو منى يحصل غـلط لازم تكـونـوا عـيـون .
آسـف يـاريـس … الحاشية هـيفرعـنوك , سابع سما طلعـوك , وإنت فى أول طريـق ومفـيش حاجات حصلت , الطاعـة واجبـة أكيـد , لازم ناخـد بإديـك , لكن إللى شايف غـلط برضه له حق عـليك , الوقـت شايف وسامع تهـديد كتيـر ووعـيـد , وشيـوخ جوامع كمان بتعيـد أهـو وتـزيد , فى الثورة كانت فتـاوى لحاجات كتيـر دى حلال , الوقت بيحَرموا نفس فـتـاوى زمان , هِـيا الحكـاية إيه !!! الدين بقى تـفـصيـل , وألا الحكـاية خلاص كـده عالهـوى وتـفـضيـل .
أول كلامك كان , منكم أنا وبيكم , منكم دى يعنى الجميع حتى إللى ليك رافضين , أما إللى قالوا آمين منهم كتيـر شايفـين , بيهم هـيجى الغرور , ودا شىء لـه مـُش قـابـليـن , حتى فى بيت ربنا وصلاة لأول عـيـد , من بعـد ثورة وقامت أصبحت بيها رئيس , هـتافـات بإسمـك تنادى وبصوت شديد عـالى , نسيـوا إن بيت ربنا دا له مقـام غـالى , لِـيه حُـرمة , لِـيه تـقـديس .
آسـف يـاريـس … أقـول وأعـيـدها كمان , إنت فى أول طريـق لازم المبادىء تكـون , لو يوم خروج عـن أدب الدولة فـيها قانـون , وكل واحـد له حـق ويحفـظه له القانـون , ومش بعـيد عـننا إللى حصل من زمان , دا الديكتاتور إتـولـد بكـلام تحبه الـودان , ولـو هـتسمع لِـيه يبقى غـلب الشيطان .
آســف يـاريـس …عـايـزينهـا خطـوة لأمـام مـش بالـمشقـلـب تكـون .
أشـرف صقـر
احداث مصر
شـايـفهـا ماشـيـة بالـمشقـلـب
اضيف بتاريخ: Monday, August 27th, 2012 في 03:31
كلمات جريدة احداث: أشرف صقر, احداث, مصر
