عايزينه واحد مننا , حاسس قرفنا وهمنا , عايش حياتنا بفرحنا وبحزننا , عالم بحالنا ويتقى فينا ربنا , ويكون له هيبة , وفى قلبه طيبه , وفيه أصالة شعبنا , عايزينه شهم ودمه حًُر , عنده كرامة ولينا مايرضاش بذل , فيه القناعة ومش بتاع المنظرة , عايزينه وشه بشوش يحسسنا بتفاؤل , والتشاؤم مبيعرفوش , عايزينه عاقل , حلال مشاكل , مش شبر ميه يغرقه وفيه يحوس , ويكون مؤدب والغلط مبيعرفوش , عايزينه مدرستة الحياة , مش دكتوراه متخصصة فى أى علم من العلوم , عايزينه عبد الناصر قول وفعل , مش هلفطه عالفاضى وفنجرة بس بكلام , عقل السادات عايزينه ليه , وهدوء مبارك – ينقط إللى يضايقه لو بيكون عـدو , وهوا دمه ميحرقوش , عايزينه لينا طبيب يداوى , أستاذ يعلم ناس بحب , عايزينه قاضى , العدل طبعه والظلم مبيعرفوش , عايزينه ظابط نقدر نلم وبيه كل إللى ملـُهش رابط , عايزينه جندى ونحمى بيه كل الحدود , أما التعدى ملـُهش فيه , أسد على إللى يضر ويقرب عليه , عايزينه فى الإستثمار مدير , يعرف يدير , يختار من المشاريع إللى بيه يفيد , مش إللى يستنزف فلوس الشعب ويهد إقتصاد , عايزين وبيه نزرع إللى منتحوجش ونشتريه بسلف ودين , عايزين وبيه نصنع هدومنا بقطننا , للهدمه المستوردة منشتريش , عايزينه حاوى فى السياسة , يعرف يشد الحبل وقبل مينقطع يرخيه , وإللى بيغـلب بيه يلعـب بيه ومابيأخروش , عايزينه يتعامل مع الناس كلها من غير فروق , مسلم مسيحى أو يهودى , دول بشر , والدين حسابه يوم الحساب مش عندنا عالأرض , ولغيرنا دين ميسفهوش , عايزين معاه نكون كبار , يعمل حسابنا بعيد وجار , وإللى يعوزنا يجى لحدنا , لازم كرامة تعود لنا , من إمتى كنا إحنا صغار , عايزينه صاحى وليه عيون مبتتقفلش يعرف وبيها كل دبة نمله تمشى فى أرضنا , ويخلى باله فيه كتير يتمنوا لو يغفلـوه , عايزينه عارف مين نفيس ومين خبيث , عايزينه يعرف أن النجاح مش ممكن يكون إلا بإيدين حواليه وبيعاونوه , عايزين له خطه ويكون له فيها الأهم فالمهم , عايزينه يعرف إن فيه لكل واحد عـقل بيختلف عن عـقل أخوه , وشطارته إنه يكون خبير فاهم ويتعامل مع كل العقول , عايزينه دايماً ليه نشاط , حامى ودايماً يشتغل ومفيش برود , عايزينه يملك للمبادرة إللى بدراسه وفيها فهم للأمور , مش رد فعل يكون له شغل , لازم هدف وبيسعى ليه , عايزينه عنده حياء ونخوه بيهم يكون إعلام نضيف , مش مسخره بمخدرات وببلطجه وبجنس بيخـُش البيوت , عايزين وبيه يتربى شعب على الأصول , دى الدنيا بايظه وفيه إنفلات وفى كل شىء , عايزين رئيس فيه إللى فات , عايزين رئيس مُخلص يعمل حساب يوم الحساب , عايزين رئيـس , فيـن الرئيـس , ميـن الرئيـس ؟
لو ينفع انا موجود على الاقل لا حرامي ومش فلول ولا طمعان في السلطة وعمري ما استغل الدين لمصالح شخصية بس لو اتزنقتوا في رئيس ادوني رنة وكله لصالح اخواننا المواطنين
انا شايف حتي الان ان اكتر واحد من المترشحين مناسب هوا
دكتور عبد المنعم ابو الفتوح