نبيل زكريا

احداث مصر

اسئلة للمعتصمين في ميدان التحرير

اريد ان اطرح 3اسئله علي من يعتصموا بالتحرير
1-ماذا لو سقطت الشرطه؟
سينتشر البلطجيه واللصوص وتجار المخدرات ولن نأمن علي اولادنا وبناتناوزوجاتنا بل وانفسنا بالشارع ونرجع مائة سنه الي الوراء ايام الفتوات والاتاوات وانتشار العصابات وسيأكل القوي منا الضعيف
2-ماذا لو سقطت الهيئه القضائيه؟
ستكثر الجرائم واغتصاب الحقوق وسقوط القوانين الموضوعه ويكثر القتل لعدم وجود رادع
3-ماذا لو سقط الجيش؟
سقوط الجيش يتمثل في انشقاقه وتقليص ميزانياته لاضعافه وبذلك نصبح دوله مستباحه من قبل اعدائهاوهم كثروهذا ما يريده الماسونيين (اليهود واعوانهم من الليبراليين )
الذين ينتشرون في الفضائيات المأجوره الذين يروجون ليل نهار لتلك الاجابات الثلاثه ويخدعون الشباب الفقير بوهم الثوره وانهم يعملون لمستقبل مصر فأفيقوا ياشباب مصر ولاتسقطوا مصر فمصر لم ولن تسقط فلا تكونوا اداه لتنفيذ مخططاتهم وقفوا خلف قادتكم فهم خير اجنادالارض فهم من وقفوا في وجه المخلوع ولم يمكنوه من توريث الدوله نموت نموت وتحيا مصر.

اقرأ ايضاً صفحات رأي متعلقة على جريدة احداث اليوم:

اضيف بتاريخ: Friday, November 25th, 2011 في 00:46

كلمات جريدة احداث: , ,

19 رد to “اسئلة للمعتصمين في ميدان التحرير”

  1. ahmed g
    30/11/2011 at 17:15

    الحمد لله على صحوة ونهوض الشعب المصرى والاعراب عن اسفه فى انه سلم امانة وراية الوطن الى اشخاص لم تكن على قدر من الكفاءة والمسئولية كما يجب ان يكون خاصة واننا نعيش هذه االايام لحظات حرجة ومواقف مخالفة لارادة الشعب والنظر للمواطن المصرى كاقل انسان فى العالم ليست له اى حقوق ولكن هذه الحكومة لم تشعر بالمسئولية الجسيمة التى القيت على عاتقها خاصة فى هذا الوقت الذى هو حد فاصل فى تاريخ ومستقبل الامة هذه المسئولية التى اى قرار سيتم فى هذا الوقت انما قرار تاريخى يساهم بشكل رئيسى فى تحديد مسار هذه البلاد فلابد من العدول عن الانحيازية الى جانب اى حزب او جماعة مهما كانت صوابها لابد من الانحيادية فى كل القرارات حتى لا نجعل للمندسين واعداء الوطن سبيلا علينا واقول بصوت عال وثائر انه لابد من الاتيان بحكومة او مجلس رئاسى انتقالى قوى حتى يستعيد زمام الامور ويلحق بالبلاد الى بر الامان حتى يستطيع الشعب النهوض بالبلاد الى ظزوف اقتصادية وسياسية واجتماعية افضل . كما انه جاء بيان المشير مخيب للامال ولابد من ترك المشير لادارة البلاد وتعيين مجلس رئاسى قضائى انتقالى مدنى تكون له كل الصلاحيات حتى يستطيع هذا المجلس ان يعبر بنا الى بر الامان :منقول:

  2. مصر التي في خاطري
    29/11/2011 at 07:25

    لكل من هو قلق من انتشار البلطجية في شوارع مصر بسبب اعتصامات الميادين اقول لهم لكم في انتخابات مجلس الشعب اكبر دليل على قدرة الشرطة في ضبط الشارع ولم البلطجية في ساعات هل شاهد احد منكم بلطجي واحد في محافظات المرحلة الاولى ارجو لمن تعرض او سمع ان هناك من تعرض لاحداث بلطجة امس واليوم ان يكتب ذلك وارجو ترك من في التحرير يعملون على مصلحة البلد كما يرونها واعملوا على مصلحة البلد كما ترونها ولا داعي لتبادل الاتهامات بين من يجلسون امام شاشات التليفزيون ومن هم في الميادين فالكل لاهم له الا مستقبل افضل

  3. م,ن
    28/11/2011 at 01:13

    ربنا يفتح عليكي يا مي ..كلامك في منتهي الروعة ….انا معرفكيش وبقول باعلي صوت ربنا يفتح عليكي ‘ ولو فعلا كلامك دة سمعه انسان مسؤول عاقل وطبقه حال البلد هيتغير و نرتاح من الفوضي اللي عايشين فيها دي والله الواحد بيشوف الأخبار بيجيله اكتئاب

  4. مصرية زهقت
    27/11/2011 at 20:34

    أحب أشكر جدا الاخت مي علي كلامها الجميل بجد كلامها بيعبر عن اللي جوانا كلنا
    وبعدين الطلبات اللي عايزها بتوع التحرير مش هتتحقق في يوم وليلة لازم الصبر شوية
    احنا بجد اتخنقنا من عمايلهم للاسف كل واحد بيعمل لمصلحته واللي بيريحه ومش مهم الباقي
    حسبي الله ونعم الوكيل ربنا ينتقم من كل ظالم ويهدي بتوع التحرير ويعقلهم شوية

  5. مصري مغترب واهله في مصر
    27/11/2011 at 09:59

    اما بالنسبه للاستاذ الطالب بكلية الطب احنا متفهمين وجهة نظرك بس برضوا محدش قلهم يهجموا قوات الامن بالحجاره وانا بصراحه شوفت كتير علي النت مش علي القناه الاولي ولا التانيه ورأيت ان المتظاهرين هم من يبدؤا بقذف القوات بالحجاره وطبعا انا مش بنكر فضل ابطال 25 يناير اللي غيروا البلد بس اللي في الميدان الان هايضيعوا اللي عملوا ابطال 25 يناير وكلامي ده مش مهجمه لاحد بس كل الحكايه انا مصري وعايز اشوف مصر كويسه بشبابها وامنها واقتصادها

  6. مصري مغترب واهله في مصر
    27/11/2011 at 09:46

    اولا احب اشكر الانسه او المدام مي علي الكلام الجميل وانا ايضا اوافقها الرأي وبصراحه الاخت مي قالت اللي كان نفسي اقوله وياريت الكل يفهم وكفايه اللي البلد فيه هي مش ناقصه

  7. sama masria
    27/11/2011 at 03:04

    انا مصري بناني من بنى هرم الدهر الذي اعياالفنا ابدا لن تستكيني ابدا انني ارجو مع اليوم غدا ومعي قلبي وعزمي للجهاد لي انتي يامصر بعدالدين دين لك يااااااا مصرالسلامةوسلاما يابلادي ان رمى الدهر سهامه اتقيها بفوءدى واسلميييييييييييييييييي في كل حين

  8. ابراهيم كفرالفقهاء
    26/11/2011 at 21:06

    مصر باقيا وملعون من فكر ان يقسمها او يضعفها مصر فى رباط الى يوم القيامة

  9. مصري مغترب
    26/11/2011 at 20:18

    لماذا سكت الأخوة في التحرير طوال هذه الفترة ولم يقوموا بهذه الاعتصامات إلا عند بدء الانتخابات لأنهم ليس لديهم رصيد كافي في الانتخابات والشعب سوف يقرر من يمثله عبر الصندوق الانتخابي أقول لأخواني في التحرير أنتم أبطال ولا ينكر أحد هذا ولكن لابد من ترك عجلة الإنتاج تدور والمجلس العسكري بدوره قام بالاستجابة لبعض المطالب وقد حدد لنفسه مسارا لتسليم السلطة فواجبنا الآن أن نترك الفرصة لحكومة الدكتور كمال الجنذوري

  10. مى
    26/11/2011 at 00:35

    ماشى يا سيدى انت شايف انهم ابطال كلهم مفهمش حرامى واحد مفهمش ماجور واحد مفهمش عيال عندها 10 الى 20 سنه بيتكلمو وهمه مش فاهمين حاجه سؤال يا ريت حد يرد عليه كل الى فى التحرير خارجين علشان يعدلو البلد الى مايله ده كل اسبوع مليونيه ارحمونا بقى هوه عدى اسبوع من غير تظاهر وطلبات وعاوزين عصا سحريه علشان تنفذ طلباتهم احنا 90 مليييييييييييييييييييييون همه كام مليون مين الى ولاهم يقولو الشعب يريد اصلا باماره ايه عاوزين خرابها اكتر من كده متعرفوش احساس بنت عاوزه تروح تجيب اكل لبتها متعرفوش احساس 45 ملييييييييييييييييييون عامل يوميه بيستنى الشغل علشان يوكل اهل بيته فى يومه ارحمونا بقى وبتقولو عصام شرف من التحرير همه مين الى فى التحرير علشان يجيبولهم الى على مزاجهم البرادعى وغيره مش ده الى مرشح نفسه على فكره المفروض مدام مرشح نفسه يبقى ملوش دعوه بحاجه دلوقت مش هيشوف مصلحته فين ويعملها واحنا نولع فى نفسنا تعرفو كيلو الطماطم البايظه بكام علشان تقول الحد الادنى يبقى كذا مهو ممكن اقولك الحد الادنى 5000جنيه بس كيلو الطماطم يبقى ب20 جنيه وساعتها ابقى قابلنى احنا محتاجين لو هقبض 100 جنيه اعرف اعيش بيهم كويس يعنى ارفع القيمه الشرائيه للجنيه مش ارفع الحد الادنى وارمى الجنيه فى الزباله لو قابلت دلوقت اى حد وتقولو معاى جنيه هيقولك هوه الجنيه بيعملو بيه ايه عرفتو محتاجين ايه نفسى يفهمو بقى وارحمونا مش بقول كل الى فى التحرير عملاء وخونه بس يكفى فى قفص التفاح تفاحه فاسده ليفسد القفص كله اتمنى وجهه نظرى تفهم

  11. طالب بكلية الطب
    25/11/2011 at 15:44

    حضرتك كل يوم بلطجي بيتحكم عليه في محكمة عسكرية سواء كان البلطجي ده سرق قتل او ما شابه
    و قتلة الشهداء بقالهم 10 شهور متحكمش في قضية واحدة فقط !!!!!
    الجيش قال هيسلم السلطة في 6 شهور ولم يحدث !!!!!!!
    الشرطة قتلت اكتر من 35 واحد في التحرير و يطلع بيان مجلس الوزراء بيشكر الشرطة على ضبط النفس و عدم استخدام العنف !!!!!!!!!!
    يا ريت بس محدش يحكم و هو نايم في بيته احنا الدكاترة بنشوف بلاوي و حالات تحزن كل يوم

  12. طالب بكلية الطب
    25/11/2011 at 15:40

    مين قال لحضرتك ان حد عايز يسقط الشرطة او الجيش !!!!!!!!!!!!!!!!؟؟؟؟؟
    هو اما ان الشرطة متشتغلش او تشتغل بقتل و اصابة المتظاهرين !!!
    اللي بتقول عليهم بلطجية دول فيهم كتير دكاترةو صيادلة ومهندسين و اساتذة و محامين و صحفيين و فيهم ناس غلابة و فيهم مصاب في الثورة بقالو 10 شهور مخدش حقه و فقد وظيفته بسبب الاصابة و فيهم ام لشهيد نفسها تشوف القصاص من اللي قتلو ابنها
    حضرتك قاعد في بيتك لما حصلت الثورة كانو بيقولو دول بلطجية … ولما انتصرو قلتو دول ابطال
    ونفس المشهد بيتكرر تاني
    ربنا يستر علينا من انفسنا و من القناة الاولى

  13. nahlafars
    25/11/2011 at 14:26

    ياريت الناس بجد تفهم الكلام ده و الله يا جماعة ال 10 شهور دول مش كفاية دي دولة مش محل سمك اتغييرت ادارته دي دولة كاملة و الله ال 10 شهور مش كفاية ابدا.

  14. medo
    25/11/2011 at 13:41

    الجيش ترك الحراميه لاخفاء ما يدينهم لانها بلد ورق ومستندات تافهه زى القضاء بتاعك يا ريت تجرب شرع ربنا كنا خلصنا من الهك واله امثالك مبارك وكهنته اما لو تعاملت مع الشرطه فستعرف مدى حقارتهم وتجبرهم وتكبرهم

  15. medo
    25/11/2011 at 13:36

    2ليذهبوا الى الجحيم بقواتيتهم ولتكون شريعه الله التى لاتفرق بين عرق ولا دين

  16. مواطن
    25/11/2011 at 08:48

    حضرتك جاوبت بنفسك هو ال 10 شهور اللي فاتت كانت خاليه من البلطجيه والفوضى والحياه ورديه والله الذي لا اله الا هو لو كانت الشرطه ادت واجبها هي والمجلس العسكري طوال ال10 شهور اللي فاتت وكانت البلد في امان لكنت نزلت جرررجرت اللي اقدر اجره من ميدان التحرير من شعره …..حضرتك شايف الأمور بالعكس يبدو انك بتتكلم عن بلد تاني

  17. دينا
    25/11/2011 at 08:21

    هل قرار الإعتصام قرار جماعي أم فردي؟
    هل هو فعلا الشعب يريد؟ أنا لم أسأل عن رأي ولو لمرة وأيضا عن ما أريده.

  18. دينا
    25/11/2011 at 08:15

    إلى كل من هم بالتحرير الرجاء الهدوء والتفكير عندما بدأت الثورة لم نكن جميعا نتصور ان يكون هذا هو حال البلاد, الرجاء ان تعرفوا ان مصر هي رأس لجسد وهو الوطن العربي, رغم المحنة التي تمر بها البلاد ولكن دورها لم ينتهي…… ولم تنتهي.
    الرجاء التفكير ليس في المصلحة الخاصة بل في المصلحة العامة, ماالذي يفيدني بزيادة أجري الآن وجواعي بالغد……. الرجاء التفكير بالغد وليس بالأمس من أجل المستقبل.
    الرجاء أن تفكروا بشكل ديمقراطي متحضر, الرجاء تجميع أصوات تجاه موقفكم حتى تقرروا “الشعب يريد أم نحن نريد”.

  19. hegazy
    25/11/2011 at 04:01

    كلنا زيك قالقنا صيع قهوه التحرير ولاد مين فين اهلهم صح البلد محتاجه ننظغها من كل سىء وهم من اسوا الناس

اترك تعليقاًً على هذا الرأي