أحمد بكر سليم

احداث مصر

كل رجالك خانوك يا مبارك حتى مصطفى بكري

كل رجالك خانوك يا مبارك حتى مصطفى بكرى الصديق.. الذى كان يتمسح فى حذاءك.. هل تتذكر يا ريس رسائل بكرى فى جريدة الأسبوع..؟ هل تتذكر صورك وعبارات تأيدك التى كان يأكل منها المهلبية .. حتى اصبح من الصفوة اللذين يسكنون فى القصور.. هل تتذكر يا مبارك عندما اصطحبته معك الى اليابان وركب مع طائرة الرئاسة .. فلقد كتب عنك قصائد من الشعر والزجل فى مقاله بالعقل الخالى من اى عقل..! ان بكرى يا مبارك نموذج مصغر وسافل ممن خانوك وهم كثر .. كلهم باعوك وسوف يبيعون الرئيس القادم.. والقادم بعده.. وركوب اى موجه تقذفهم الى الشط الثانى فى المكان الآمن ،فهى سنتهم ودستورهم الى يوم الدين.. اليوم يخرج مصطفى بكرى بعد ان تعاطى حبوب الشجاعة ليتقدم ببلاغ ضدك للنائب العام .. لا تحزن يا مبارك فان قلة الأصل تجرى مجرى الدم وتسكن فى عروقهم..!! اليوم بكرى يجهز نفسه لكى يصبح الرئيس القادم ..!! الم اقل لك فى قصيدة ال مبارك والطوفان الأخير.. ان النصابين والأفاقين سيصبح لهم شأن فى عالم الخصيان..!! الم اقل لك يا جمال يا مبارك انهم هم المنافقون الحقيقيون..!! فها نحن مازلنا على مبادئنا.. لم نسب ولم نركب الا مع البسطاء من الف عام وعام

اقرأ ايضاً صفحات رأي متعلقة على جريدة احداث اليوم:

اضيف بتاريخ: Tuesday, March 1st, 2011 في 04:35

كلمات جريدة احداث: , , ,

36 رد to “كل رجالك خانوك يا مبارك حتى مصطفى بكري”

  1. امام بيومى
    14/06/2011 at 13:55

    نشكر الدكتور عمرو خالد والفنان القدير محمد صبحى لزيارتهم لمنطقه بطن البقره يوم الاثنين 12/6/2011 ووعدهم للأهالى بتطوير منطقه بطن البقره وجعلها من أول المناطق التى سيتم تطويرها فى العشوائيات لأن منطقه بطن البقره تفتقد كل الخدمات الأدميه ( بدون صرف صحى ومباه ) حياه غير أدميه لدرجه ان السكان يلقون بالمياه على الطريق الرئيس الموازى لصلاح سالم وتقع بجوار منطقه مجمع الأديان بمصر القديمه وبجوار المتحف المصرى الجديد وخلف حديقه الفسطاط . فكيف سيتم افتتاح المتحف الجديد ومنطقه بطن البقره بجواره بهذا الشكل البائس؟؟؟؟؟؟؟ يادكتور عمرو نحن مستعدين للتعاون معكم ونحمد الله على يد العون التى تمدوها لنا وربنا يجعل ماتقوم به من خير فى ميزان حسناتك .

  2. Alexandra
    17/04/2011 at 04:41

    With the bases loaded you srtcuk us out with that answer!

  3. ali saad ali
    08/03/2011 at 20:16

    لو ليك قريب غرق في العباره اللي غرقوها علشان يخدوا التعويض من شركات التأمين مليون دولار علي كل غريق وبعدين يدوا الناس 100ألف جنيه بس أو لو كان بيتك تحت الصخره اللي وقعت علي الناس وكان ممكن يخلوا المكان من سنه أو لو كان أكسر عظمك في حادث علي الطريق السريع بسبب المقطورات اللي بتشتغل لحسابهم أو لو كنت مش لاقي سكن وبتسمع أنهم بيدوا لطلعت مصطفي المتر 10جنيه أو لو كنت أصبت بالسرطان من المبيدات اللي بيجبوها من أسرائل أو أتنقلك دم فاسد كان زمانك وفي زي ما أنت

  4. محمد مسعد
    07/03/2011 at 02:35

    كاتب المقال / احمد بكر سليم هو اكبر منافق في مصر وانا اعرفه معرفة شحصية وعندي من المستندات ما يكشفه امام الجميع ووثائق لعمليات النصب التي تولاها وتقبيل يد النظام مع ماضيه الكبير في مساندة بكري الذي يسبه الان

  5. ماهر حنفى على
    05/03/2011 at 14:42

    اذاكان مصطفى بكرى خائن كما تقول وباع مبارك وابنائه وقدم المستندات التى تدل على السرقه والنهب فنحن نقول له شكرا لك يامصطفى بكرى لأنه اكثر واحد قدم مستندات تدل على فساد النظام السابق اما اذا كان ينافق الرئيس فى بعض الفترات ده طبيعى عشان كان يقدر يعيش وسط هذا النظام الفاسدوهو انت كنت عايزه لايقدم مستندات زى سيادتك كده ولا ايه ؟؟؟؟؟

  6. زائر
    03/03/2011 at 14:17

    كل منافق في الدرك ألأسفل من النار وربنا علم بقلوب الناس مش بكلامهم أو شكلوهم بس حقيقي أنا كنت مؤيده لمبارك الى شهر سبتمر وده لسوء حالته الصحيه ولرغبته الشخصيه ولما شوفت كل الحراميه اللي سرقوا البلد في ظل حكم الرئيس مبارك والله زعلانه ومصدومه وحاسه اني بحلم ومش مصدقه كل اللي بيحصل في البلد مصر بلد الأمن وألأمان وتاريخ سياده الرئيس اللي ضاع على الأرض وبرضه ربنا يصبروا ويجازي كل خائن والله أعلم مين حرامي ومين بيفتروا عليه

  7. yosi
    03/03/2011 at 06:59

    ههههههههههههههههههههههه ضحكتنى وانا مش عايزه اضحك شكلك فى بلد تانيه ولا ايه او شكلك من الحاشيه بتاعه حسنى على فكره مبقاش اسمه الريس بقى مواطن عادى ومدان كمان بالاف من دماء الشهداء
    على فكره بتفكرنى بمقوله اعوانك خانوك ياريتشارد
    ونصيحه منى متتفرجش على تسجيلات للتليفزيون المصرى القديم قلى كان قبل الثوره مع انه كان ساعتها مش مصرى كان تليفزيون الرئاسه
    ياراجل الثوره غيرت كل حاجه وانت لسه متغيرتش وبعدين على فكره الشعب هو اللى هيختار رئيسه ولو معجبهوش هيمشيه يعنى لو مصطفى بكرى رشح نفسه والشعب مش عايزه مش هينجح الظاهر انك لسه نايم او فى غيبوبه ومعرفتش ان الشباب فاقت والشعب صحى ولسه الشعب موجود وفايق متسطلش بالمخدرات اللى نشرتوها ولا اتسطل بالفساد شعب مصر ذكى وبيفهم….فوق بقا من الغيبوبه

  8. Cinderella
    03/03/2011 at 02:50

    انت بتتكلم ازاى هو معنى ان مصطفى بكرى كتب عن الريس حاجة كويسة ولا قصيدة يبقى بيتمسح فيه ولو شتم فيه يبقى خانه هو معنى انى شكرت فى واحد عشان عمل حاجة يبقى بيتمسح فى جزمته مش يمكن كان فاهم ان الريس لم يكن يعلم اى شئ عن الفساد اللى حاصل ده ولما اكتشف ان الريس على رأس الفساد هو واسرته اتصدم فيه
    هو لو كان منافق كنا شفناه صبح وليل على القنوات المحليه نفطر عليه ونتعشه بيه لكن احنا مكناش بنشوفو غير نادرا جدا جدا جدا
    وازاى نسيت لما كان بيعتقل اكثر من مرة كانت نفعته مسحة الجزم وقتها

    ولو أخدناها كنفاق ما أنا ممكن أقول الكلام ده عليك برضه مش كتبت قصيدة عن مبارك والمنافقون و انت بتقول (أنا قلت لجمال) فى القصيده يبقى انت حبيب مبارك وجمال ومقرب اليهم جدا فلازم تقول كده معنى قصيدتك انك معاهم وليك مصلحة بس الفرق ان مصلحتك لسة مستمرة حتى بعد رحيل الريس او على الاقل استفدت من الريس وابنه لدرجة أنك ضد أى شخص يظهر حقائق تدين الريس وأسرته علشان هو مجبش الأدله دى من بيته ولا ألفها
    على الأقل ان مصطفى بكرى مهما كانت نيته خدم الشعب وعرض الادلة اللى جبتها النا س على النائب العام وده دليل على مدى ثقة الناس فيه ولو هو منافق عمر ما أى منافق هيقدر يكتسب ثقة كل الناس دى لدرجة تسلمه الادلة دى كلها

    بلاش نقول كلام ملهوش لازمه احنا هنحكم على اى شخص بالنفاق والعمالة والخيانه طب اثبت مش بالكلام بالفعل حرام كده حتى الريس مينفعش نحكم عليه إلا بعد التحقيق علشان منخدش ذنوب ملهاش لازمة وتتقلب علينا لحد ما نشك فى نفسنا

  9. منه الله
    02/03/2011 at 22:47

    انا بجد مش عارفه دماغك دي متركبه ازاي (يابني دا مصطفي بكري مقضي حياته كلها في السجن بسبب

    معارضته للفساد ) وبصراحه كلامك ده ميدخلش دماغ حد …. اتكلم ذي ما انت عايز بس المهم مين

    يصدقك

  10. محمود معوض
    02/03/2011 at 21:02

    مصطف بكري هو اول رجل مصري شجاع وهو الذي كشف الفساد في مصر وصاحب قلم شريف ايها الجهل ما اراك الا طفل علي صدر امه لا يعرف ما يقول يا ابن امه ولا اب له

  11. محمود معوض
    02/03/2011 at 20:59

    الي كل من يتكلم عن الاستاذ مصطفي بكري اقول هل انت مريض وعد لكيل حر الم تجد غير هذا الرجل الحر الاصيل انت مريض اخي ما كان مصطفي بكري الا رجل شجاع جهله من جهل وعرفه من عرفه فاقول لك مت بغيظك ايها الجبان مصظفي رجل صعيدي ما كان الا رجل ولم يكن الا رجل
    يكفي مرض من امثالك واذا بحثنا نجد انك اول من يمسح جذمت حارس حسني لانك انت اقل من ان تكون محترم

  12. amera
    02/03/2011 at 17:11

    واللة انا من زمان شاكك في مصطفي بكري انة يد الحكومة التي تطلق النار علي من كبر في السن زي الخيول لية انا ديما استغرب الزاي الراجل دة بتوصلة المعلومات السرية عن الوزراء ورجال الاعمال سوتفتكروا الباشا الحرامي وزير الزراعة ربنا يوعدة بالي يزرع دمافة بقنبلة وكشف يوسف والي لة في قضية المبيدات ولكن علي كل حال انا بشكر مصطفي بكري علي جهودة في كشف الفساد وزي ملبيقولوا هو احسن من غيرة ولكن مستحيل يكون رئيس مصر

  13. sayd
    02/03/2011 at 09:34

    انجازات اللارئيس حسنى مبارك العميل هى سرطنة شعب مصر -تطفيش شباب مصر واذلالهم فى ى الداخل والخارج واهدار كرامة المصريين واغراقهم فى العباره – السكوت على قتل خيرة ضباط جيش مصر العائدين من التد ريب عائدين من امريكا- اهداء اسرائيل الغاز المصرى ببلاش فى الوقت اللى كان بيغلى انابيب الغاز على شعبه وصلت انبوبة الغاز 100 جنيه- ياخد الاسرائيليين بلاحضان ويسلخ شعبه فى زنازين امن الدوله

  14. sayd
    02/03/2011 at 09:19

    بصراحه مصطفى بكرى مجاهد لانه كشف لنا المستخبى من الفساد وعمره ماخان مصر اللى خان مصر حسنى مبارك العميل ا

  15. مصراوى من مصر
    02/03/2011 at 04:42

    كاتب المقال دة بجد صعبان عليا جدا وواضح انة خسر كتير بسقوط الفاسد الاكبر مبارك

  16. bondo2a
    02/03/2011 at 03:32

    ايه يا عم الخيابة اللي انتا فيه دي
    فوووق يا عم بقى
    و بعدين هات حاجة واحدة تثبت كلامك السفيه دا عن مصطفى بكري
    اهلا بيك في الثورة المضادة
    بس الكلام دا مبيدخلش علينا

  17. مومبا بية
    02/03/2011 at 02:56

    وانته وكلاك اوى الشجاعة ياعم ياللى مع مبارك انته ماتروح مع مبارك اجرى روح معاه ولا روح مع حبيب العادلى بتاعكو مانته لو كان اخوك مات فى اللى حصل فى 25 كنت اتقيت ربناو الله العظيم انتو حرام عليكم عقولكوا ايه ديه جايبنها منيين العقول ديه حسبى الله ونعم الوكيل فيك وفى الموقع واللى خلاك تكتب هنا حسبى الله ونعم الوكيل حسبى الله ونعم الوكيل

  18. امير السويسي
    02/03/2011 at 00:16

    انا اؤيدك ومش بكري لوحده جميع من يعمل بالصحافة والاعلام بدون استثناء كلهم منافقين وافاكين وكله راكب الموجة وكله طمعان في منصب فهم يطبقون المثل القائل عاش الملك مات الملك لا تحزن يا اخي فهزا ليس بجديد علي هؤلاء

  19. مواطن شريف
    02/03/2011 at 00:03

    اولا الاستاذ مصطفى بكرى انسان محترم وشريف وهو الوحيد اللى قال لا للفساد ووقف فى وجة الكل وهو مش من اللى ركبوا الموجة بدليل انهم كانوا عاوزين يلغوا الدايرة بتاعتة فى الانتخابات وعمرة ما اتمسح فى حذاء احد اللى بيتمسح واحد زى اللى كاتب المقال اللى اظاهر لسة نايم وفاكر ان حسنى لسة موجود وفى السلطة اصحى مصر بقت حرة بارواح وسواعد شبابها وناس زى الاستاذ مصطفى بكرى الشريف اللى قال للنظام لا وكفاية فساد حرام عليك انت ياللى اسمك احمد سليم اتق الله فى كلامك وكفانا غل وحقد على الشرفاء علشان مصر تتقدم عاوزين نبنى مش نهدم واصحاب النفوس الضعيفة امثالك يا ريت يسكتوا لان سكوتهم افضل من كلامهم مليون مرة مصطفى بكرى من اول المظاهرات وهو مع الثورة مش زى باقى الممثلين والكتاب اللى كانوا بيقولوا دول ناس ماجورة واحنا مع الريس ولما تنحى قالوا دا احنا مع الثورة دول الى ركبوا الموجة يا استاذ احمد يا ريت نتقى ربنا علشان مصر

  20. ايمي
    01/03/2011 at 22:13

    مش بس بكري وغيره المفروض ندور مين وائل غنيم وهو بجد كان في قضية عبدة الشيطان وخرج بكفالة 6 الاف جنيه لو الكلام ده بجد انا هشك مش بس في بكري لكن في منى الشادلي وغيرهم من الي كبروه وهو ميستهلش ويخد الضوء من الشهداء الي بجد والي فقدو بصرهم وعيونهم بجد وحسبي الله ونعم الوكيل

  21. ناصر
    01/03/2011 at 22:10

    خليه يركب الموجة احسن مايركب الحلزونة بس مبارك اصلا خاين وخيانة الخاين مش عيب

  22. خالد
    01/03/2011 at 21:18

    ولا تحسبن الله غافلا عما يعمل الظالمون

  23. خالد
    01/03/2011 at 21:16

    قال تعالى ” الاخلاء يومئذ بعضهم لبعض عدو إلا المتقين ” صدق الله العظيم

  24. بصراحه
    01/03/2011 at 19:29

    الشعب بتاعنا خلاص مبقاش ياكل من العواطف كان زمان يا عم العاطفى وعندك على مصطفى بكرى أو غيره ذيع متخبيش حاجه وسيب الناس هيه اليه هتحكم ..الناس من كتر الضحك والكذب عليها خلاص بقى عندها مناعه_ واضح جداًأنك وارم أوى من مصطفى بكرى والعداء شخصى
    (فها نحن مازلنا على مبادئنا )مبادىءأيه ياراجل حرام عليك كفايه وهم

  25. amer
    01/03/2011 at 19:28

    ان مستغرب جدا ان فى حد لسه بيدافع عن مبارك وبيهاجم الثوره اللى لسه لم تحقق اهدافها مع المقال بيقول ان بكرى بقا من اصحاب القصور علشان بينافق مبارك ده برده دليل على فساد مبارك

  26. حسين
    01/03/2011 at 18:59

    ربنا يوفق الدكتور احمد شفيق فى عمل الخير ومن معاه
    ويهدى مصر حاكم يتقى الله فى شعب مصر
    وانا واثق ان الحاكم اللى جاى فى الطريق مش هيستحمل سنة بالنظام ده

  27. حسين
    01/03/2011 at 18:56

    اى حد يحط نفسة مكان مبارك صدقونى
    والله العظيم حسنى مش خاين ولا وحش
    لما بنتخاصم ونيجى نتصالح بنفتكر كل شيء حلو
    لية مش عوزين تفتكر يوم حلو عشنا مع الرئيس مبارك مش لازم يكون يوم ملموس مع مبارك
    بالعكس
    يوم فية انت
    كنت نايم مرتاح
    الثورة دى
    الصالح الاكبر كان للرئيس لانه عرف مين حفظ الجميل ومين ناكر الجميل وخانو
    والله العظيم كل اسم ساطع دلوقتى وظاهر بكرة لما يمسك الكرسى هيقول الله يكون فى عون الرئيس استحمل .كما تدين تدان ولو بعد حين والله كل كلما بنقولها فى حق الغير مردوده
    وانا بقول الله معاك ياريس ويشفيك وصدقنى كل اللى موجودين هيندمو
    الواحد منا لمل بيغلط بيحاول يدافع ويعتزر مقابل السماح ومبارك اعتزر بالتنحى المفروض نقول له الف سلامة عليك وبنحبك
    دى كلمة بسيطه ولها اجر عند الله
    الاخوان اللى بيعرفو ربنا اوى
    الرسول علية افضل الصلاة والسلام
    قال فى حديث لو حاكم 40 سنة ظالم خير من …….. مش حافظ الحديث
    بس اللى عاوز اقولة بجد
    لازم نسامح مش نذبح فين الديمقراطية والحرية هى دى اللى تخلينا نكره ونقسى.الله يخرب بيت الحرية اللى من النوع ده ويخرب بيت كل ظالم
    النهاية اقول ياريس انت هتفضل رمز لمصر
    واتقو الله ياشباب

  28. البرنس جمال
    01/03/2011 at 17:32

    ارجو من الاستاذ كاتب المقال ان يتحري الدقه قبل الدفاع عن اي شخص كان وبالمناسبه انا كنت من المؤيدين لبقاء مبارك لتنتهي مدته سلميا ولكن بعض ظهور الكم الهائل من الفساد وضياع حقوق المواطنين والمبالغ الهائله المهدره لصالح فئه معينه(الصفوه)من الناس والباقي ليس من المجتمع المصري وبعد هذا اطلب محاكمة مبارك لانه السبب في كل شيئ استشهاد شباب التحرير انتشار الفساد وتفشئ الثراء لفئة معينه من المجتمع علي حساب باقي الشعب لذلك اقول لاستاذنا احمد بكر سليم لاتقول رجالك خانوك بل انه خان الشعب المصري بأكمله

  29. عادل فتحى محمد
    01/03/2011 at 16:40

    اولا اسمه مبارك من غير ريس
    ثانيا ده انسان مش اله له الحق يعمل فينا اى شئ واحنا ما علينا غير اننا نقول سمعا وطاعه
    ثالثا ده حرامى وده حرامى وكلهم حراميه فلا داعى للحزن على اى لص فيهم
    وكل اللى حصل للص مبارك ده دليل على كره الله له ولكل بيوت ابليس اقصد المؤسسات الحكوميه

  30. عساف
    01/03/2011 at 16:24

    انانا بس اللى محيرنى ان الناس ديت كانت فين من زمان ؟؟؟؟وياترى هم كانواساكتين خونه ولا مغصوبين 000واسف على لفظ خونه!!!! ولا اقصدبه خيانة البلاد ولكن خيانة الضمائر والشعب والذمم

  31. الصقر
    01/03/2011 at 15:01

    بصراحة بكري احسن من غيره بكتير بكري علي الاقل كشف ناس تاني كتير غير الريس وبعدين انا شايف ان فيه ناس واصوات لسه بتدافع عن الريس وبتدافع عن اللي نهبونا ولسة صوتهم طالع بدليل انهم كانوا بيحذروا اريس من مصطفي بكري وشايفين ان مصطفي بكري كان بيتمسح بحذاء الريس ودهدليل علي انهم كانوا قريبين من الريس يا ناس حرام عليكم مصطفي بكري هو اللي بييحارب الفساد واعوانه الان وكان بيكتب ايضا سابقا عن رموز للفساد مين اللي اتكلم عن المبيدات المسرطنة ؟ طبعا مصطفي بكري مين اللي فضح يوسف والي مين اللي اتكلم عناكياس الدم الفاسد مين اللي كان بيحارب احمد عز وجبروته مصطفي بكري طبعا اين كان هؤلاء الذين يتهجموا بالقول علي مصطفي بكري ويقولوا كان يتمسح بحذاء مبارك اكيد كانوا هم الذين يجهزوا لمبارك الحذاء ويلبسونه له .

  32. ملاك
    01/03/2011 at 13:35

    لاتحزن يازعيم فانجازاتك ستتحدث عنك وحبك لوطنك الى يوم الدين لاعليك فكل مايحدث مؤامرة لتشويه سمعتك ولاكن لاانا ولا احد يستطيع ان يعبث بة فهو مكتوب فى التاريخ تحيه وقبلة على الجبين من ابنتك المعترفة بالجميل

  33. سما صافية
    01/03/2011 at 13:31

    بكرة ان شاء الله سوف تظهر الحقيقة مين مع مين ومين ضد مين ومين الخائن ومين الشريف فى الاخر عايزين مصلحة البلد

  34. hazem elbeltagy
    01/03/2011 at 11:05

    بصراحه شديده انا بحترم كل رائ حتى لو كان مش فاهم حاجه ليس معنى ان شخص كان يحب شخص او كتب له قصيده او اصتحبه يوما وكان له رفيق يعنى ذلك ان نتخلى عن مبادئنا او الانحياذ نحو التستور على الفساد وبعدين حتى لو كان مصطفى بكرى منحاذ لتحقيق اهداف معينه فهو يهدف الى تحقيق عداله اجتماعيه ودا من اهم اهداف الثوره ان نقضى على الفساد ولابلاش تعاطف يؤدى على الفضاء على مصلحة الشعب بص الفلوس اللى فى حساب حسنى مبارك وجمال وسوزان وعلاء بص وشوف وبعدين احكم صح ومع ذلك انا بحترم الرائ الاخر

  35. العمدة
    01/03/2011 at 09:21

    مش بكري بس كل من يعمل في هذا المجال النفاق وركوب الموجه العاليه ليكون له اسم وشأن وهو ولا حاجة

  36. همام
    01/03/2011 at 05:56

    مع حق مصطفى بكرى

اترك تعليقاًً على هذا الرأي