Khaled

احداث مصر

نحتاج ثورة التفكير العلمي للنهضة بمصر

للاسف 80% من الشعب المصري تحت خط الفكر حتي المتعلمين ماشيين ورا كلام رجال الدين اللي معظمهم جاهلين علميا بدليل انهم فهمو الناس ان الديمقراطية والليبرالية والعلمانية كفر مع ان الحقيقة مش كده خالص واللي عايز يجيب معلومات عن حاجة يجيبها من مصادر موثوق فيها. للأسف صعب انك تغير تفكير اكتر من 50 مليون اخدو كل علمهم من الشيوخ اللي بيتاجرو بالدين سواء في المساجد او علي الانترنت من احاديث غير صحيحة وقصص مزيفة لها علاقة بالدين هدفها تخويف الناس واخضاعهم لرجال الدين. ولو رجال الدين وصلو للحكم انا متأكد الن نسبة الفساد هتزيد اكتر نتيجة للكبت اللي المجتمع هيعيش فيه لأن مش هيبقي في حرية وكل حاجة فرض واللي مش عاجبه يبقي كافر ويقتلوه ده غير انهم مش هيهتمو بالتعليم ولا الفن لأنه يتعارض مع تفكيرهم حسب رأيهم. طبعا الدين بريْ من كل ده واي انسان معتدل يقدر يمارس دينه في الدولة الليبرالية او العلمانية لأنها هتحافظ عليه و هتحترم اعتقادات كل شخص مش زي مالجاهلين بيقولو يعني. يريت الناس تعقل وتبتدي تفكر تفكير علمي لأن هو ده املنا الوحيد في نهضة البلاد واللي مش هيفكر تفير علمي في الزمن ده ميلومش غير نفسه واللي شايف ان الكلام ده غلط خليه ورا رجال الديل وخليهم ينفعوا بقي. شكرا

اقرأ ايضاً صفحات رأي متعلقة على جريدة احداث اليوم:

اضيف بتاريخ: Sunday, June 12th, 2011 في 19:45

كلمات جريدة احداث: , ,

3 رد to “نحتاج ثورة التفكير العلمي للنهضة بمصر”

  1. salah
    17/06/2011 at 19:04

    اسال الله ان يهديك.انت واخد فكرة غلط عن المشايخ وبعدين لو رجال الدين مسكوا البلد الفساد هيزيد ازاى اذا كانواهما اصلا بيحربوا الفساد انت عايز كل واحد يعمل اللى على مزاجه حتى لوكان غلط او مخالف للاسلام .الحرية لها حدود.احنا مسلمين والحلال والحرام هو الميزان لينا وبعدين المشايخ هيحربو التعليم ليه .والفن بالصورة اللى عليه اليوم هو اللى اخر البلد واصبحنا متخلفين فعلا واكبر دليل على ذلك الكلام اللى انت بتقوله.عاوزك تقرا صح عن العلمانيين وعن الليبراليين وعن رجال الدين .مفيش مسلم على حق هيقول الكلام اللى انت قلته.شوف حالك مع الصلاة.معقول 80% من المسلمين تحت خط الفكر.واضح من فكرك ان عندك خلل فى فكرك اصلا.ربنا يفهمك

  2. wael elmamoun
    16/06/2011 at 11:50

    لازم لكل واعي يوعي الذين حوله، وتنتشر هذه العاده، وهذه اقوى وسيلة للاقناع و جعل الانسان يفكر ولو ابتدى يفكر تبقى نجحت

  3. مظلوم المصرى
    13/06/2011 at 02:41

    يا خالد انت شخص عظيم ومصرى اصيل ومثقف وعندك وعى وكل كلامك واسلوبك يعجبنى جدا وانا عندى وعى مثلك وخايف جدا على مستقبل مصر من البلطجيه الذين هربوا من السجون وخايف على مستقبل مصر من فلول الحذب الوطنى الذى مزال موجود فى الادارات الحكومية مثل المحليات والمحافظات وخايف على مستقبل مصر من المتطرفين الذين يحاربون الديمقرطية والحياة المدنية ويحاربون مستقبل الحضارة والعلم والفن والابداع والابتكارات فى مصر عروس الشرق الاوسط والعالم العربى ويتاجرون بالاسلام للوصول الى كراسى الحكم ويخدعون الشباب باسلوب متدين لينضم اليهم وتزيد اصواتهم لان هؤلاء المتطرفين يحلمون بالرئاسة منذ 50 عام ومبدأهم الاغتيالات لاى شخص يقف فى طريقهم ويعترضهم

اترك تعليقاًً على هذا الرأي