احمد القائد

احداث مصر

دع الانقلاب وابدأ الحياة

1- عليك بالنظر إلي الصورة الكلية، والبعد عن التفاصيل الصغيرة.. مصر حصل فيها انقلاب عسكري دموي، والسيسي مندوب للشركة الحاكمة لأقليات شعب مصر. البدلة المدني اللي لابسها بدلة طنطاوي.. فاكرها؟ وجود السيسي علي السطح أفضل مليون مرة من الغطا اللي كان عليه .. أو وجود حد ضعيف يتحكم فيه هو، ونعيد الكرة من جديد .. خلينا نلعب جيم برواقة ..
2- فرق بين السيسي والعسكر ومصر .. أى نجاح له أو لا قدر الله فشل .. ده لمصر .. ولازم تتمني النجاح لمصر في كل أحوالها.. السيسي زائل ومصر باقية ..
3- أنا عارف إنك مخنوق من مصر .. بس اعتبرها في حالة نزوة عاطفية وهتعدي يا أخي.. رصيدها لدينا يسمح.. موش فاكر سمعت الجملة دي فين؟ اضحك يا عم الكئيب ..
4- دعه يحكم، ينجح .. يفشل.. دعه يمر .. خليك مشغول دايماً بالبناء .. ابني لوطن زي ما أنت راسمه في خيالك .. خرج السيسي بره الصورة خالص .. لو عمل كويس أنت مستفيد .. ولو عمل سيء.. اضغط علشان تصلحه .. ازالة الأشغال شيء كويس وممتاز .. والبياعين لازم يدركوا معادلة الدولة مع احتياجهم للكسب .. لازم تتشكل مصلحتهم بشكل صحيح المرة دي .. علشان الفوضى دي كانت من أساليب العسكر للقضاء علي الثورة .. والصاق التهم بيها ..
5-خليك مشغول بالبناء والوصل تاني وتالت ومليون ..
6-ازهق عادي .. يائس؟ عادي .. بس دايما تخيل إن التنسيق وداك كلية مكنتش كاتبها في الورق .. وتعايش مع الواقع ده وغيره . عيط علي صورة بنونة ومينا .. ازعل علي ماهينور .. اضحك وافرح .. غني للثورة .. حط موسيقي بشرة خير علي موبايلك .. اعملها نغمة .. عيش الدنيا ببساطة ودايما عبر للناس بصدق وإيمان باللي جواك..
7-خليك دايما نضيف، وعندك مبدأ، ومتغلطش غلطة تخلي حد يغتالك معنوياً .. حب الناس.. اعمل خير وتنمية .. فكر دايماً .. دون أفكارك .. خلي أفكارك في اتجاه البناء والاتحاد ..
8-مصر بكرة بنعملها النهاردة .. الصورة غامقة .. بس وقوفنا جنب بعض هيفتحها.. لو عندك جديد الناس هتجيلك وهتكون أقوي من السيسي .. لو معندكش.. هيفضل السيسي نجم الشباك مهما كان فاشل وضحل وآخره يركب عجل .. ويغلط في الحساب .. ويغني جبار ..
9- من هنا نبدأ وفي الثورة نلتقي ..

اقرأ ايضاً صفحات رأي متعلقة على جريدة احداث اليوم:

اضيف بتاريخ: Sunday, June 29th, 2014 في 07:13

كلمات جريدة احداث: , ,

ردود to “دع الانقلاب وابدأ الحياة”

  1. SALIM
    30/06/2014 at 19:31

    يعني نغيب عن الواقع ونترك الظالم انت اهبل؟

اترك تعليقاًً على هذا الرأي