سعادتك لما بتروح الشهر العقاري بيبقى فيه كذا نوع توكيل يا إما بتعمل توكيل رسمي عام شامل لشخص أخر بتفوضه في التصرف في كل ممتلكاتك أو توكيل محدد مثلا يخول له التصرف في سيارة أو عقار .. محدش قال لك سلم مفاتيح البلد للجيش و كن تابع له و لكن هل إنت شايف / أو إنتي شايفه إن الحل هو إننا نسيب الإسلاميين يمارسوا إعتصاماتهم السلمية و اللي بتوقع كل يوم ما بين 9- 10 إنفار قتلى سواء في الجيزة أو في رابعة أو في سينا .. يعني هو لازم أمك أو أبوك أبو أخوك أو حد تعرفه يموت على إيدهم مرة عشان تحس إنهم قتلة .. ديه ناس كارهة الحياة يا بيه !!! .. ناس عايزه تستشهد عشان تروح الجنة و تستمع بالحور العين و ترضى ربنا . ناس حياتك متسواش شلن عندهم .. هل ينفع سعادتك تاخد بعضك و تروح اعتصام رابعة أو النهضة أو تروح جبل الحلال تتحاور مع الناس اللي هناك و تقول لهم انتوا غلط ؟ حيحصلك زي ما حصل لمحمود المليجي في أخر لقطة من فيلم بطل للنهاية لما ضربوه بالآلي وسط الملاحات مع العلم إنه كان رئيس العصابة .. يا عمي قيادة الجيش محتاجه تأييد شعبي عشان فيه ضغط دولي واضح .. اعملهم توكيل خاص مش عام توكيل بردع من يحمل السلاح و يقتل الناس … دول قتلة يا بيه قتلوا و عذبوا ناس و لا عشان سعادتك حظك حلو و ما وقعتش ف ايديهم فمش حاسس بالكارثة.. يا هانم لن يفل الحديد إلا الحديد … و أول ما قياداتهم تنتهي الموضوع لن يستمر طويلاً بعد كده .. إلا لو سعادتك شايف … أو سعادتك شايفة مثلا إننا نرجع مرسي و خلاص حقناً للدماء و كل سنة و إحنا طيبين و ع الدنيا السلام
ومين اللي قالك ان الناس دى مش فرقه معاها حياتها دي بس قالت العسكر هيحكم علي رقابنا