محمد العدوى

احداث مصر

احداث بورسعيد .. محدش فاهم حاجة

والله ما فاهم حاجة خالص… الاحداث كلها داخلة فى يعض ومش عارف مين الظالم ومين

المظلوم ؟ مين المتهم ومين البرئ ؟ مين الصح ومين الغلط ؟

افرح ببراءة ناس ؟ ولا احزن على الحكم على ناس بريئة ؟

او افرح بالحكم على مسئولى الامن ( اللى مدبرين المصيبة الى احنا فيها دي ) ؟

او احزن على ناس من الامن مسئولة عن التامين والتفتيش وخرجوا براءة ؟

طب لما شعب يعمل اضراب وعصيان مدنى واعتصام ومش يحصل فيهم اى مشكلة او سرقة او قتل * ولما الشرطة تتدخل فى الموضوع تحصل كارثة *

يبقي مين اللى مسئول عن الناس اللى ماتت واتصابت واتخنقت ؟!

ولما ناس وهى بتدفن امواتها ويطلع عليهم ناس تانية من نادى وفندق الشرطة ويموتوهم ويضربوا عليهم نار وخرطوش ورصاص حي وغاز مسيل للدموع ويتقال على الناس اللى مااتت انهم بلطجية وولاد ستين كلب واللى موتوهم كان بيدافعوا عن النادى وان تواجد كم هائل من افراد الامن داخل النادى فى الوقت ده أمر طبيعي وعادي جداً ؟!

ولما ناس تانية فى بلد تانية تروح تولع وتحرق فى نادى شرطة عندهم وتحرق وتكسر اتحاد الكورة وتسرق محتوياته * ويتقال على الناس دي انهم مش بلطجية ولا حد يطلع عليهم من نادى الشرطة ويضربهم بغاز او رصاص حي او خرطوش ويتقال انهم بيعبروا عن غضبهم ورأيهم نتيجة لحرقة دمهم ؟!

وكمان ناس تانية خالص (قصدي النائب العام الاخواني ) يطلع قرار بالقبض على 126 من قيادات التراس الاهلي واعتقالهم مع ان فى ناس من القيادات دي كانت مجتمعة ليلة النطق بالحكم مع امبراطور الاخوان ( خيرت الشاطر ) وتقوم جريدة تنقل الخبر ده وتنشروا عندها فى جريدتها وعلى موقعها الالكتروني يقوم ناس تروح تحرق المقر الخاص بالجريدة فى الدقي ؟

** وعايزين بعد كدة يا ناس نفهم أحوال الناس **

عذراً لاستخدام لفظ ناس كتير فى البوست ده ولكن فعلاً الناس بقت غير الناس يا ناااااااااس

اقرأ ايضاً صفحات رأي متعلقة على جريدة احداث اليوم:

اضيف بتاريخ: Sunday, March 10th, 2013 في 11:49

كلمات جريدة احداث: ,

اترك تعليقاًً على هذا الرأي