أشـرف صقــر

احداث مصر

معـنى السكوت مش رضا

قالوا زمان فى المثل , معـنى السكوت الرضا , لكن سكوتنا ياريس معاك مهواش كدا …
صابرين ياريس , معاك , مطلوب يطول صبرنا , والصبر ليه الثواب , فى الآخـرة هـيكون لنا , فى الدنيا شايفة سراب , خـيرة بعـيد عـننا .
محناش من الندابين , وألا شتامين لعانين , آخر مانملك ياريس , معاك أهو صابرين .
لكن ياريس سؤال … من فضلك إسمح لى … لأمتى هذا الحال من فضلك إشرح لى ؟؟؟
واحد من الناس ياريس عايش أنا وسطهم , شايف همومهم ياريس , وهـمى من هـمهم …
الناس ياريس خلاص جابت من الآخـر , على تكة بقيت خلاص , مهو شىء وله آخـر …
ربطوا الحجـر عالبطون وقالوا دى بلدنا , نصبر عـليها معاه , والخـير لأولادنا …
لكن ياريس سامحـنى , شايفها فى التوهـان , سمك , لبن , تمر هـندى , وفخفخينا كمان .
أهل الإدارة فين ؟؟؟ شبعـنا م الجهلانين , خـيل الحكومة ياريس , كبرت ومش نافعـين …
فى الكورة دفعوا الفلوس عشان حكم يُحكم , وعشان خواجة يدرب فريق يكون فشلان , وبالدولار الحساب , وكل حاجة تهون , لابد ليهم علام عشان يجيبوا الجول …
إمتى هييجى ياريس , الجول , آخر صبرنا , جمهورنا عايز ياريس , هدف له طعـم ولون .
أهل الإدارة فين ؟ فين أهل التنظيم ؟ ولو مفييش عـندنا , ييجوا ومستوردين , وبجملة المصاريف , مع مصاصين الدماء لازم يكون تصريف , ومن الفساد البلد يلزم لها تنظيف .
إسمح لى مش مشكلتنا إزاى يكون الحل ؟ لكن إللى عايشين فيه لابد له من حل .
صدقنى قلبى عـليك , خايف على بلدنا , ونصيحة منى ليك … لابد منه الحل ؟؟؟

اقرأ ايضاً صفحات رأي متعلقة على جريدة احداث اليوم:

اضيف بتاريخ: Saturday, June 24th, 2017 في 12:51

كلمات جريدة احداث:

2 رد to “معـنى السكوت مش رضا”

  1. بشير عمر
    16/02/2018 at 06:02

    ها أنتم تفتحون صندوقا للتعليقات، لكى تتعرفوا على اتجاهات الرأى العام، لكن بعض رؤساء الصحف القومية لهم رأى آخر، أغلقوا صناديق التعليقات بالضبة والمفتاح وكأن الصحف القومية ملكا لهم.
    فريق وطنى بالدولة يعمل على استعادة مصريين إلى حضن الوطن بعد انضمامهم للجماعات الإرهابية وتأهيلهم وإعادة صياغة هويتهم الثقافية بما يتفق وتاريخ مصر الحضارى المشرف، وبعض رؤساء الصحف يطردون المصريين كُرها منهم لكل من أراد إبداء رأى.
    نرجوكم نبهوا على المواقع الإلكترونية الإخبارية المصرية القومية، أن صندوق التعليقات بالدول الكبرى من الوسائل الرئيسية لقياس اتجاهات الرأى العام.
    شكرا جزيلا لكم.

  2. ولاء
    28/09/2017 at 09:02

    ابقى قابلنى صاحب المقال سحر نصر قربت تشق هدومها يا صاحب مقال السكوت مش رضا لا ده قبل العاصفه اذا استمر الإهمال والقضايا الجاهزه من الرقابه الاداريه والأموال العامه وتبقى شاهد مالك وسلملى على البتنجان

اترك تعليقاًً على هذا الرأي