أشـرف صقــر

احداث مصر

العـقـل فـين !!!

ياناس كتير فى البلد … ببلدنا رايحين فين , متعـنترين وإحنا لسه بنثبت الرجلين , يادببة والفعـل ليها بيضر والنية خير , العـقـل فـين ردوا قولوا وألا انتوا ليه لاغـيين .
إعرف عدوك وإلزم , ضبط اللسان مطلوب , وليه نجر الشكل ونحدفه بالطوب , عالأمريكان إنتصرنا وخلاص معانا الروس , والكريكاتير يترسم وأوباما فيه مكبوس , والضحك والسخرية وقفا وعـليه علامات , للأمريكان الهزيمة , السيسى عـمهم , هيموتوا م الغـيظ خلاص وحـرق لدمهـم .
للسيسى كان الكلام بأدب وكل إحترام , مسافتنا لازم تكون مع الجميع قد بعـض , تنويع مصادر سلاحنا حق وميزعـلش حـد , وعلامنا كان م إللى فات والإستفادة م الدرس , مفيش صديق بيدوم وليه يكون واحد , ولو هنخسر صديق نلاقى 100 واحد .
ياطابور ياخامس كفاية , قرفنا م التطبيل , سيبوا الرئيس يشتغـل فى هدوء بدون تهليل , فين العلام م إللى فات , وألا بقى ذكريات , أيام جمال إتنست !! تهليلكوا جاب نكسات .

اقرأ ايضاً صفحات رأي متعلقة على جريدة احداث اليوم:

اضيف بتاريخ: Tuesday, September 1st, 2015 في 02:22

كلمات جريدة احداث: , ,

ردود to “العـقـل فـين !!!”

  1. على جمجوم
    28/10/2015 at 14:26

    رائع..منتهى الروعة

اترك تعليقاًً على هذا الرأي