أشـرف صقــر

احداث مصر

عـفـريت لكـل مواطـن

وشغـلته تأمر بإيه , اطلب تنول , من غـير تعـب , من غـير عـرق , بس إنت قول , أأمـر يابيـه , دا مش خيال لكنه حال يتمنى ليه ناس مننا , عايشين مابيننا وأهـلنا , فاكريين لروحهم لسه نونو زُغـننين , ماما الحكومة بمعـلقة تملا البطون , والوأوأه تيجى والصداع لو يوم فيه أمر لم يُطاع , ناس مننا ولسه نونو دا فعـلهم وشكـلهم شكل الكـبار , إنجغـة مش لايقة لهم والطبطبة والهشتـكة دى للصغـار , عايزينها عالجاهـز تكون , ودا عـند مين .
أربع سنين وبلد فى فوضى وحالها حال , إتقلبت على كل شكل وكل لون , مش ثورة واحدة دا ثورتين , وهرج مرج حال البلد صابها المرض كحـة تـراب , إيش ياخد الريح م البلاط , أأمر يابيه , عايزيين رضاك , ممكن سؤال , طب فين عـنيـك ؟ يمكـن عـميت !!
ماما الحكومة عايزة ترضى حضرتك , بتمد إيدها للجيران , بتمد إيدها ورافعة راسها والكرامة مجتش بيك لكنها بتاريخ زمان , عملت إيه قول حضرتك نتباهى بيه , غـير تريقة ووصفنا بالشحاتين , عملت إيه غـير إحباطات , ومعاك كمان أهل الخراب بقـنبلة متجبش خـيـر , أأمـر يابيه .
عـفـريت ولازم يبقى ليك , لكن كلامه دا يبقى غـير أأمـر يابيه , عـفـريت ينطط حضرتك ويسألك يا إللى إنت عايز م البلد إديتها إيه ؟؟

اقرأ ايضاً صفحات رأي متعلقة على جريدة احداث اليوم:

اضيف بتاريخ: Wednesday, June 17th, 2015 في 23:46

كلمات جريدة احداث: , ,

ردود to “عـفـريت لكـل مواطـن”

  1. على جمجوم
    28/10/2015 at 14:21

    الله عليك ياأستاذ أشرف..جميل جدا ومعبر وفى الصميم

اترك تعليقاًً على هذا الرأي