الحر

احداث سوريا

الى من يدافع عن بشار الاسد في احداث سوريا الاخيرة

السلام على الجيمع
بدي اعرف يلي عم يدافعوا عن بشار يعني لازم يحكمنا حافظ 30 ولا اربعين سنة ويحكمنا بشار الاسد كذلك ويمكن اكثر شوية وبعدها مامنعرف من حصة من بنكون سؤال ليش ماتكون السلطة بالانتخاب الشفاف ويكون فيه تنوع بالحكومة نشعر انه لدينا ديمقراطية اية ديمقراطية لما بصل رئيس الى الكرسي وبيلزق حتى يوافيه الاجل يأخي بيكفي خلص خلي الامة تنتخب رئيسها ياشباب الشعب السوري ممتاز لاينقصنا الا حرية ورفع قانون الطوارئ وعمل احزاب وكل واحد يمارس حقه بالتصويت يلي بدو بشار الاسد الله يسهله ويلي بدو الناصرية على كيفو وكل على مايرغب وخلونا من الكلام الفاضي انه اسرائيل وامريكا وعملاء ومابعرف ايش ياشباب يعني اذا حرمنا الشعب الحرية ولا صار عندنا انتخابات نزيهه يعني بنكون انتصرنا على اعدائنا ولا بنكون اهنا الشعب والامة ؟؟؟؟؟ عزة الامة من عزة الافراد والنصر بيتحقق لما بيكون عندنا جبهة داخلية متماسكة ولن يكون عندنا ذلك الا بالحرية والسلام

اقرأ ايضاً صفحات رأي متعلقة على جريدة احداث اليوم:

Advertisements

اضيف بتاريخ: Saturday, March 26th, 2011 في 14:28

كلمات جريدة احداث: , , ,

24 رد to “الى من يدافع عن بشار الاسد في احداث سوريا الاخيرة”

  1. سالي
    19/05/2012 at 02:14

    من قلب الشام ومن عظمة سوريا بشار الاسد الله يحمي بلدنا ويحمي رئيسنا ويلي مو عاجبو خلي يتحسر وانت يا ابن اليمن ويا غيرو عم يفتح تمو وويحكي عا رئيسسنا خليكن حلو مشاكلكن وبعدين اتجرؤو واحكو بس نطلب مساعدة وما تفكرو انو نحنا عم نعصب من كلامكم لانو كل انسان يحكي صفاتو انتو ما بتعرفونا نحنا كلنا اسمائنا سوريا بشار الاسسسسسسسسسسسسسسد

  2. رانيا من فلسطين
    17/03/2012 at 00:31

    حسبي الله ونعمة الوكيل عليك يا بشار انت واتبعك الظلمه أتمني لك موته ما حد ماتها وياااارب الله ينصركم ياشعب سوري على هذا الظالم الفاسق الشوعي انت والزبالة واحد لعنك الله والى الجحيم السحق لك

  3. صديق الليل
    08/03/2012 at 15:12

    هل دستورنا وهو القران الكريم وسنة نبيه العظيم ما يدعوا الى بث روح الفرقة والاختلاف بين الحاكم والمحكوم الفتنة نائمة لعن الله من ايقضها فامريكا ودعاة الفكر التكفيري يحرضون الفتنة الطائفية في سوزيا فاللهم وحد الشعب مع قيادته ضد من خالفوا منهج السلف وباعوا دينهم بعرض من الدنيا زائل لكي يرضوا حكامهم ولم يرضوا ربهم في هذه المحنة

  4. طارق السلمان
    25/10/2011 at 03:10

    ياشعب سوريا الابي يا رجال الاسد الاوفياء سوريا صخرة قوية ولن تنكسر لاحد والاسدباقي والفخر والعزة لكل عربي وقف مع سوريا الملاحظة رسالة لكل مسؤول في سوريا على راس منصب ان يعمل بامانة ليعيش الشعب بسلام ولو حاصرنا العالم باسره لن نركع ولن نكون لقمة سائغة لاي احد ولن نركع ولن نتخلى عن ما عاهدنا به بالروح بالدم لقائد الوطن بشار الاسد

  5. طير في جبال اللاذقية
    05/07/2011 at 18:52

    لن تركع امة قائدها الاسد ومن هو خارج البلد عليه ان يغلق فمه

  6. لبناني
    06/06/2011 at 19:41

    والله يا شباب يا ليت بيحكمنا واحد مثل بشار الاسد وابيه الله يرحمه مش احسن ما يحكمنا واحد مثل السنيوره وفتفت وعتوش وعمار حوري بل القليله بيت الاسد عملو بلد وطوروه (مصانع وتجاره وطرقات وحضارة )شوفوه نحنا شو صاير فينا نهبونا وسرقونا هل الوقحين روحووا اشكرو الله نايبكم شي من الجبنة يا سوريين ,اذا لحقتو شريك العصابة يلي عنا(عبد الحليم خدام )لح ايموتكم الجوع حافظو على بلدكم والامان يلي عندكم قبل ما تندمو ما تلحقو البووووم شوفو شو عم بيصير بي ليبيا اليمن وعنا بي لبنان حطووه عقل الرحمان بي راسكم لا ينفع الندم ((على كل حال الحيونات بل الغابه مابيلعبو مع الاسد)) وان شاء الله اسدنا بي خليص عليهم قريبا

  7. أسدية وأفتخر
    19/05/2011 at 19:14

    إلى صاحب المقال وكل من يسأل نفسه هذا السؤال..الإجابة واحدة من كل السوريين وبالفم الملآن هو:::: حافظ الأسد رحمه الله هو من جعل لـ سوريا مكانة ووضع في العالم ولولا حافظ الاسد لما كانت سوريا بوضعها الهام بل كانت دولة ضعبفة وذليلة وتابعة لاميركا واسرائيل وتوابعهم الاعراب….وبسبب شخص عظيم أسمه حافظ الأسد كافح وحارب ونحن نعرف سيرته الذاتيه الناصعة البياض ولا أنكر الأشخاص الرائعين والمخلصين من حوله أمثال فاروق الشرع ومصطفى طلاس وغيرهم كثيرين….والان جاء شبل من ذاك الأسد ونحن أردناه وتم أنتخباه من قبل الشعب ولم يجبرنا أحد …وبشار الأسد وللعلــم فقط… أنه يملك كل مقومات الرئيس الناجح الذي يطمح به كل العالم العربي والاجنبي فهو..شاب …مثقف..منفتح..لطيف ..يحب بلده كثيرا و يحب شعبه ومنذ أستلامه السلطة وهو يبحث لشعبه عن الأفضل والايام القادم كفيلة لتعرفوا هذا فهو كان يخطط للاصلاح قبل ان تفنح الكلاب فمها وتتكلم..((وللعلم فقط العالم عم يحسدنا عليه ))وسمعنا هالشي من عرب كتاااار)

    نهاية الحديث نحن لانريد الا…بشار الغالي …ولانطمح بأفضل منه لأنه لايوجد أحد أفضل منه أو مؤهل أو يستحق غيره….المهم الله يطول عمره ويحميه ويبعد عنه الكلاب التي تنبح ضده…لكن الكلاب تعوي والقافلة تسير…

    الله….سوريا….بشار …وبس
    الله يحمي بشار …وسوريا ..وشعب سوريا…..(( الشريف منهم فقط))))))

  8. هلا
    10/05/2011 at 16:05

    الله معك يا بشار

  9. انس
    26/04/2011 at 22:00

    عاش بشار وعاشت سوريا في ظله كريمة
    و لتمت أمثالك يا حبيبي الحاسد
    مع تحياتي
    عاشق سوريا وابنتها الأبية يبرود
    أدامها الله لنا وطن وأرض أبية عربية

    أنس ….
    ابن الصالحية

  10. ملهم
    22/04/2011 at 01:43

    سالو شو طائفتك:فاجاب سوري بكل فخر

  11. اللبوة السورية
    20/04/2011 at 14:29

    يعني يااستاذ حريتك مابتكمل غير ليرحل الاسد؟؟؟اي اذا الله وشعبو معو وبحبو مين حضرتك لتجي تنتقدوا؟؟؟ليش شو قدمت انت لسوريا حيى عم تحكي بصفتك قاعد عالنت طول النهار عم تنظر علينا ؟؟؟الله يقوي هالدكتور ويديمو لشعبوا ويخليه تاج ع راسنا وحضرتك اذا موعاجبتك حريتنا روح عند خدام وامريكا خليهم يعطوك حريتك؟؟؟وحاج مسخرة بقا اذا بدك روح تصور جنب تمثال الحرية بتاخد حريتك

  12. سوريا الحره
    01/04/2011 at 01:01

    يا جماعه الواحد بفكر بعقل الرئيس بشار عم بحاول يصلح ولصالح شعبه وهو شب فهمان وانا واثقه انه الفتنه ورائها اعداء لسوربا وللرئيس منشان هيك لازم نفكر منيح ونعطي فرصه منشان بلدنا تعمر ويجب ان لا نسمح لهذه الشوشره على الرئس بهذا المستوى انه قمة الجهل عندما نربد ان نحل مشاكلنابهذه الطريقه+هكذا نكون لقمة سائغه لامريكا وغبرها من الطامعين بجب ان نعتمد الحوار ونطالب بحقوقناانا ليست سوربة انا فلسطينية وعشت في سوريا منذ طفولتي لم احس في يوم من الايام بالتفرقه العنصرية ابدا كباقي الدول بالنسبة للفلسطينيين ونحن والشعب السوري نعيش بامان ليس هناك طوائف ولايسمح بالفوضى انااحب سوريا واحب رئيسها وادعو له من كل قلبي ان يثبت خطاه وينصره وصدقوني مارح بجيكن احسن منه مافي داعي تخربوبلدكن وتهينوا رئيسكن هو مو مثل القدافي وغيره هاد الرئيس انسان مربى منيح الله يرحم ابوه

  13. اسلام
    30/03/2011 at 21:53

    بدي قول- لسوري- من حقك تقول رأيك بس ياريت تكون مشاركتك خالية من التجريح وكمان نحن ما منقدر نقول عن التطورات بالوطن العربي موجة غباء خاصة بالنسبة لمصر يلي خلصت كل عربي شريف من حسني مبارك الخاين والعميل لصهاينة وبدي قول لابو داوُد-الموصل : الله يجعل العراق آمن ويخلصه من الاحتلال ويعيش أهل العراق بأمن وآمان يارب والله يا أخي الكريم ما بعرف على مين بدي أزعل لأزعل !!! على العراق لما أفغانستان لما ليبيا آه على ليبيا!! لما اليمن لما لبحرين الله ينصرهم جميعاًأما سوريا فشأن تاني الله ينهي الفتنة فيها على خير وسلامة دون أن تسقط دماء أخرى

  14. سوري
    30/03/2011 at 08:53

    حسام العدني عدني خليك بعدنك يا فيلسوف وفلسفتك ما بتمر إلا على أمثالك من الفلاسفة رحم الله شهدائنا الذين استشهدو بسبب بلادهم والفلاسفة جالسين يتبجعون خسيت يا عدني سوريا شامخة بأهلها ورئيسها

  15. سوري
    28/03/2011 at 23:23

    الحرية في هذه الايام على الطريقة الاميريكية على طريقة العراق وليبيا… هل تريد حرية على هذه الطريقة…. اما في امريكا نفسها فانت كونك عربي و مسلم فهذا يكفي لتكون ارهابي…

    نحن في سوريا نعرف هذا وقادرون على تمييز الخراب من الاصلاح

    وموجة الغباء العربي التي تجتاح العرب هذه الايام تلاشت على تخوم سوريا
    سوريا بقائد كبير كالاسد وشعب واعي كهذا الشعب هي مطلبنا وغايتنا

  16. المختار-- انا سوري وافتخر
    28/03/2011 at 23:02

    هاالفترة من تاريخ الأمة بدها قائدمثل بشار الأسد وشعب مثل شعب سوريا يحافظ على بلده ويواجه المؤامرات الخارجيةو كلنا فدا الرئيس بشار
    مختارالشام — انا سوري وافتخر

  17. المختار
    28/03/2011 at 22:59

    سوريا الله حاميها و بعزّك يا أسد نبنيها
    مــخــــــــــتـــــــــــارالـــشــــــام

  18. المختار
    28/03/2011 at 22:50

    سورية الله حاميها وبقيادةالدكتوربشارالاسدولوكره من كره والمغرضين ويلي بدون ينالوامن اللحمه الوطنية بكل اطيافه وكل عدولعين
    الله يحفظ يلي بيحفظ سورية وشعب سورية البطل
    مــخــــــــــتـــــــــــارالـــشــــــام

  19. ابوداؤد-الموصل
    28/03/2011 at 15:21

    الله يحفظكم يا أهل سورية ويا اهل مصر وليبيا … اذ يوم واحد بدون امير افظع من سنين واعوام مع رئيس فاسق او منافق او عاصي . والديموقراطية (اللي هي حكم الشعب ) فكرة غربية مستوردة مابتفيد المسلمين.وهي كذبة امريكية غربية كبيرة حالها حال الارهاب اللي فكوا راسنا بيه ايام ال11 سبتمبر وايام اللي ما معي فهو ضدي . اتعظوا من دولتين صار بيهم مالايعلمه الا الله ثم اهل البلد انفسهم (افغانستان والعراق ) . البلد اللي ما به نظام ولو لايام اقرأ عليه السلام . والسلام ختام

  20. مسيحية سوريا
    28/03/2011 at 10:55

    الله محيي اصلك يا صقر الجزيرة وانا بدي وصل كلمة لشعب بشار حافظ الاسد العظيم ان انا متفاجأة باللحمة الوطنية العظيمة ماتخيلت ان نحنا منحب بعضنا بهالطريقة ومنحب قائدنا لهدرجة الله عليكن يا شباب سوريا يا شرفاء شبابنا هنن عم يمسكوا الخونة ويسلموهن للامن بس اكيد هدا الشي متوقع من شعب قائده بشار الاسد يلي رفض يصافح اسرئيل ورفض يسمح لعلمها او سفارتها تكون عنا بسوريا ونحنا البلد الوحد يلي ماعنا سفارة اسرائيلية وهدا بكفينا شرف

  21. صقر الجزيرة
    27/03/2011 at 23:54

    هاالفترة من تاريخ الأمة بدها قائدمثل بشار الأسد وشعب مثل شعب سوريا يحافظ على بلده ويواجه المؤامرات الخارجيةو كلنا فدا الرئيس بشار  

  22. حسام العدني
    27/03/2011 at 18:15

    انني اقول بقول سيد الاولين والاخرين سيد الشهداء حمزة ورجلا قال كلمة حق عند سلطان جائر فنهاه وامرة فقتله اليكم اخواني نرفع اكف الضراعه الى الله ان ينصركم ويثبتكم حتى يسقط هذا النظام البائس اخواني لايرهبكم السجون والقمع الوحشي فلكم الجنه ان انتم اخلصتم عملكم الى باريئكم ونحن هنا في اليمن ندعوا لكم بان الله يكتب لكم النصر فسقوط انظمة الجور والظلام هي اللبنه الاولى الى بيت المقدس اللهم انصر اخواننا في سوريا وثبت اقدامهم واقذف الرعب في قلوب الجبابره الطغات

  23. سوريه
    27/03/2011 at 04:25

    عين العقل سلمت يمناك

  24. ليال السورية
    26/03/2011 at 14:54

    سوريا الله حاميها و بعزّك يا أسد نبنيها

اترك تعليقاًً على هذا الرأي