محمد زكي الشيمي

احداث مصر

الحل الامني ضد الاسلامجية والمبرراتية

-علي فكرة الداخلية مابتعرفش تحل ولا تربط ووزير الداخلية فاشل.
–طيب سيادتك رأيك ايه ؟
-انا بأقول وزير الداخلية يتفاهم معاهم ونوصل لحل.
–تعرف سيادتك وزير الداخلية الأسبق عبد الحليم موسي ؟ دي كانت وجهة نظره وفشلت حضرتك، وساعتها حضرتك قلت ان الدولة بتسعي للتحالف مع القوي الرجعية

-طب انا بأقول ان وزير الداخلية فاشل ولازم نشتغل شوية شدة وشوية تفاوض ، من ده علي ده.
–عارف سيادتك وزير الداخلية الأسبق حبيب العادلي دي كانت سياسته وساعتها حضرتك قلت ان الدولة بتعذب الارهابيين عشان يقبلوا المراجعات وان الدولة عنيفة وبتنتهك حقوق الانسان الارهابي وانها بتعمل صفقات مع الاخوان عشان هما فزاعة بتخوف بيهم العالم

-طب بأنا اقول ان وزير الداخلية فاشل واحنا نتبع معاهم سياسة التصفية .

–عارف سيادتك وزير الداخلية الأسبق زكي بدر ؟ اهو دي بقي كانت سياسته وحضرتك اعترضت و قلت ان دي سياسة بتستفز الاسلامجية وتدفعهم نحو العنف .

-اها يبقي لازم بقي تعترف ان وزير الداخلية فاشل والبرادعي صح لأن الحل الأمني غلط ومش كفاية.
–طبعا الحل الأمني غلط ومش كفاية لأنهم استعملوه طول المرات دي ضد الاسلامجية و سابوك انت فكنت بتبررلهم وتعمل اختراقات فكرية او سياسية زي البرادعي، انا باقول نطبق عليكم انتوا الاتنين الحل الأمني وساعتها مش هنسمع الفتي والهري ده كتير

اقرأ ايضاً صفحات رأي متعلقة على جريدة احداث اليوم:

اضيف بتاريخ: Saturday, January 25th, 2014 في 01:10

كلمات جريدة احداث: , ,

اترك تعليقاًً على هذا الرأي