يا أسم ومأصل قـديم ومن سنين , يا أسم أقـوى م السنين , يا مصـر عايزك تحضنينا ومتسيبيش , يا أمى مِنا متزعـليش , إدينا ودنك و إسمعى , متقلقيش , متحزنيش , ومتخافيش , أوعى فى يوم اليأس يخطر لك فى بال , مهتيأسيش , أهل الفشل وخلاص خلصنا منهم , من جهلهم , رجلينا مسكت الطـريق , عالراس كتير دقـت طبول , و إكتاف كتير شالت حمول , دا أحنا عجينة جسمنا من طمى نيل , مبنعـرفـوش الإنكسار , ولا نعـرفـوش المستحيـل , العـند بيكون طبعـنا والكبرياء , مهنطاطيش .
اليوم خلاص بقى ليكى ضهـر وفـيه عـصب , ودا سببه إيـد مسابتش إيـد , متوحدين , والكل شاف وله عـنين , والجيش محوط عالجميع , وشعارة بلدى لم تضيع , دا الجيش عـصب وكتافه يامصر السند , مهتركعـيش , أما إللى عاملينلك قـلق حـبة هاموش , مبيفهموش , خفافـيش ضلام خلاص وراجعـين للكهـوف , م الشعـب صبحوا ملفوظين , ومرفوضين .
الضحكة جاية ومش بعـيد , يابطن ياما شالت كتير , فـيهم إللى حارب و إللى عـافـر و إللى ثـار , غـير إللى عملولنا شيـوخ وكلام بدين وأهو أكل عـيش , فـيهم إللى خان , فيهم إللى عايزك جثة هامدة عـشان عـيون الأمريكان , فيهم كمان مُخنثين زى الجحوش مش مُنتجين , بطنك دى ياما شالت كتير , وآخـر العـنقـود دكـر , ضهـر وعـصب , تفـويض وواخـده مِـننا هاتى إيديكى و إسندى , خـَطى يامصـر و متخـفيش , بالذمة مين زيك يكون ؟؟ أكـيد يامصـر مهتلقـيش .
أشـرف صقـر
احداث مصر
ضهـر وعـصـب
اضيف بتاريخ: Monday, July 29th, 2013 في 18:30
كلمات جريدة احداث: أشرف صقر, احداث, مصر
