كلنا خسرانين
فكرت ألبس السواد حدادا على اللى ماتوا ، لكن ألبس السواد على مين على القاتل والا المقتول
ماهوَ المقتول أخويا وابنى والقاتل منى ، كلنا ولاد بطن واحده هى مصر ،وولاد أم واحده هى مصر
وسواء كان القاتل بلطجى والا نظام سابق والا الداخليه والا الاعلام ما كُلهم مصريين
يبقى آخد تارى من مين ، والا أقف وادعى على مين، والا أصبر الام المكلومه على وحيدها وأقولها ايه
ماهو المقتول منا والقاتل منا ، لو كان القاتل عدو كنت أخدت تارى بايدى
ايه اللى حصل للمصريين هو الدم حُرمته انتهت ، ده القتل تانى كبيره بعد الشرك بالله ،ازاى حُرمة الدم تُباح
والاخ يبقى عدو ، ودموع الام تسيل ماتلقاش حد يمسحها ، والاب يروح حلمه وأمله فى الحياه ومستقبله مع اللى راح
ياللى وقفتوا وخدتوا العزا ، خدتوا العزا فى مين ،فى القاتل والا المقتول ، ماكلنا مقتولين وكلنا مسئولين وكلنا خسرانين
مصر أشرقت
Amal abdalla
مصر أشرقت
احداث مصر
كلنا خسرانين
اضيف بتاريخ: Sunday, February 5th, 2012 في 17:08
كلمات جريدة احداث: احداث, مصر, مصر اشرقت
صحيح لاتتساوى الايدى ولكن السواد امتد للقلب واختنق الامل ربما تكون لحظات احباط لهول ماحدث ولانتهاك حرمة الدماء ،ياترى اين الصوء واين الحقيقه المفقوده
هل تتساوى الايادي؟
هذي بالعون تساندك وتلك بالسيف ممدودة
وهل تتساوى القلوب ؟
بعض منها كأخيك والاخرى ابواب مسدودة
يا بني وطني الكرام
احقنوا سيل الدماء فهناك افخاخ مرصودة
عدوكم خلف الستار
يكيد كيدا في الخفاء وتلك افعال معهودة
نحن خير جند الله
فكيف بالله عليكم الحرب بيننا موجودة
عودوا من اماكنكم
من غيظكم لا تثأروا فرؤوس الشر محشودة
اخلوا ميادين الرهان
وافسحوا ارض الميدان سئمنا تلك الانشودة
اتركوا للضوء مسار
ليشاهد كل الثوار أين الحقيقة المفقودة !
كلمات أعجبتنى للشاعرة أميره فكرى . . .