أشـرف صـقــر

انتخابات الرئاسة

صـوتـى لـمـيـن !!!

واحد من إياهم مفيش منه الكتير , ناس م إللى غاوية التريقة والمسخرة فى أمور لتحديد المصير , وجه سؤال وبسخرية صوتك لمين ؟ رديت عليه وقـلت له , مين غـيره مين , إتغاظ صاحـبنا وبص لى وعاد السؤال , صوتك لمين ؟ رديت عـليه وقـلت له صوتى للى يقـدر يحمى مصـر, صوتى للى واخـد عالعـمل وإللى الكلام مش صنعـته وألا مهنتة ملهوش وجود مبيعـرفـوش , صوتى للنشاط , صوتى للى يقدر للبلد يعـرف يقود , صـوتـى للى هيسانده الجميـع , صوتى للى إتربى فى أعظم مدرسة تصنع رجال , صوتى للى مدرستة النظام والإنضباط , صوتى للى عاش بين الصعـيدى والمنوفى وإبن بحرى و القنال , مدرسته فيها أهل مصر فيها الغنى وفيها الفقير , فيها المُثقف وإللى علامة مش كبير , عاش وسطهم وعرف كتير من طبعهم , عاش همهم , مدرسته فيها الدرس فهمه وعلمه إن الكلام لازم يكون على قد فعل ولو إللى حواليك م الديابة إعمل حسابك تبقى غول , مدرسته فيها الصمت قول , مدرسته فيها الصبر لو يسمع قبيح بلسان يطول , مدرستة فيها الإتحاد قوة ولكل فرد فيها دور , مدرستة فيها عيون صقور صاحية ومفتوحة على من تفكر إيديه تطول , مدرسته دى كانت طبيب , من بعد ثورة وف يناير قدرت تحوط عالجميع , قدرت تطبطب عالجميع , سمعـوا الكتير , من شعب ثار من بعد كبت وكان ومنه الإنفجار , صبروا وداووا أصل داقوه الإنكسار , سمعـوا وشافوا للكتير , الصبر مطلوب والهدف إن البلد مايوم تضيع , صبروا الرجال وإتحملوا شغـب الصغـار , صبروا وإيدهم حوطـت وماهمهم تلسعها نار , أصل البلد دى همهم , ماهمهم لعـب الصغار , وأمانه فى إيديهم ويحفظ ربنا ويطفى لنار .
صوتى لمين !! مفروض سؤال ماتسألوش , صوتى للى حافظ عالبلد وليها صان , صوتى للى بيسانده الجيران ويدعـموه , أصل الحقيقة المُرة دى عرفوها بيه , فهموا العـرب إيه إللى كان , إيه إللى إتدبر وكان مقصود وليهم يبقوا فيه , فاقـوا العـرب وربنا بالخـير أراد , فاقوا العـرب وفعـلهم فعـل الكبار , الله عـليه الإنتصار , ميحس طعـمه غـير إللى شاف لجيران وليه إيه إللى كان وليه يُدار , والمولى حافـظ ما أراد خراب لدار , صوتى لمين !!! صوتى للكبار .

اقرأ ايضاً صفحات رأي متعلقة على جريدة احداث اليوم:

اضيف بتاريخ: Sunday, May 25th, 2014 في 22:59

كلمات جريدة احداث: , , ,

ردود to “صـوتـى لـمـيـن !!!”

  1. بلا نفاق
    27/05/2014 at 13:10

    الفرعون مين فرعنه؟ الناس اللى حواليه نفخوه إلى أن يستبد و الناس بدبوس تقوم بالواجب إذالم يحقق الموعود به.

اترك تعليقاًً على هذا الرأي